影片
更多
2015-07-20
432 瀏覽
好耐無食日式燒肉了，我講左呢句說話後，就有人約我話帶我食好野，一行4人，去左佐敦一間叫和匠既燒肉店，位置非常便利，係地鐵站出口行一陣就到。而且唔係正正係大街，行起黎都舒服d。我地叫左d前菜，有日本安曇野豆腐沙律(胡麻醬）$62，豆腐好香濃既豆味，又夠滑。相比之下，芥辣伴青瓜$38比較失色，青瓜係爽既，不過唔太特別，個芥辣好香，又夠勁，不過得意既係辣味唔會停留係個口到，感都幾新鮮。一開始係店員介紹下，我地先燒豬，而且仲放係中間燒，日本國產鹿兒島黑豚$108，肉既脂肪夠，又夠肥，食落特別滑。另外，鹽味豚腩肉$78，薄切既腩肉，慢慢燒到乾身，脆口，咸咸地，油份又迫晒出黎，正呀！厚切美國prime牛小排$168，係肋骨肉仲要係prime grade ，出面好少見，牛味香濃，仲好juicy。黑毛和牛胸腹肉$148，咬落有口感，甘香。日本國産阿波尾雞翼$72/2隻，聽講係日本軍雞，皮薄有肉小脂肪，用細火慢燒，將油迫出，燒到金黃後，咬落好香脆，食落又有雞味。本身只叫左兩碟牛，但實在太好食，最後再加左個美國prime牛角切$148，一碟大約有二十粒，分兩次快炒，由於油脂分布平均，食落去香，又夠嫩。日本
好耐無食日式燒肉了，我講左呢句說話後，就有人約我話帶我食好野，一行4人，去左佐敦一間叫和匠既燒肉店，位置非常便利，係地鐵站出口行一陣就到。而且唔係正正係大街，行起黎都舒服d。
我地叫左d前菜，有日本安曇野豆腐沙律(胡麻醬）$62，豆腐好香濃既豆味，又夠滑。
相比之下，芥辣伴青瓜$38比較失色，青瓜係爽既，不過唔太特別，個芥辣好香，又夠勁，不過得意既係辣味唔會停留係個口到，感都幾新鮮。
一開始係店員介紹下，我地先燒豬，而且仲放係中間燒，日本國產鹿兒島黑豚$108，肉既脂肪夠，又夠肥，食落特別滑。
另外，鹽味豚腩肉$78，薄切既腩肉，慢慢燒到乾身，脆口，咸咸地，油份又迫晒出黎，正呀！
厚切美國prime牛小排$168，係肋骨肉仲要係prime grade ，出面好少見，牛味香濃，仲好juicy。
黑毛和牛胸腹肉$148，咬落有口感，甘香。
日本國産阿波尾雞翼$72/2隻，聽講係日本軍雞，皮薄有肉小脂肪，用細火慢燒，將油迫出，燒到金黃後，咬落好香脆，食落又有雞味。
本身只叫左兩碟牛，但實在太好食，最後再加左個美國prime牛角切$148，一碟大約有二十粒，分兩次快炒，由於油脂分布平均，食落去香，又夠嫩。
日本國產帆立貝（黑松露蒜蓉牛油燒）$88/2隻，好大隻，加左牛油燒係好香，不過黑松露味如果再濃少少會更好。
鰻魚炒飯$92，鰻魚好大粒，又夠肥美甘香，個飯又炒得夠乾身，配左少少菜粒，好有咬口，正！
張貼
