Honbo (已結業)

南豐紗廠有好多特色餐廳，今次筆者黎到試下Honbo。Honbo喺港島都有分店，紗廠呢度面積唔算大，我地六點幾黎到都要等位。叫咗最signatured既招牌漢堡同埋經典漢堡，經典漢堡係一層牛肉漢堡扒，醬汁fresh d；招牌漢堡就有double漢堡扒，仲有芝士，感覺會惹味啲。筆者就鍾意經典漢堡多啲喇～套餐包一罐汽水，亦都有礦泉水同有氣水選擇，呢度既汽水係高身罐裝，比起平時超市買嗰啲好似淡味少少，希望真係少啲糖分肥少啲啦🤣🤣套餐仲包咗薯寶，細細粒但份量都幾多，炸既時間控制得唔錯，唔會太燶。另外枱面都有茄汁同芥辣供應，樽身企理乾淨👍🏻食完仲可以去出面個公園行下，整體感覺都唔錯～