影片
更多
2013-12-27
4798 瀏覽
香港人嘅聖誕節活動，如果無宗教信仰，不外乎食飯shopping去旅行。究竟西方人係點慶祝聖誕節嘅呢？今日喺山頂峰景餐廳居然感受到一點點。今年聖誕節朝早上山頂散步，見峰景餐廳聖誕日brunch 自助餐居然walk in 都有位，一場來到就豪一豪吧，連加一成八百蚊位，酒店食都得啦。食物方面選擇不算多，擺放食物嘅區域一眼望過去，每樣幾款細細盤，無食自助餐琳瑯滿目嘅驚喜感覺，係咪brunch 少嘢食啲？雖然更換食物都算勤力。最“抵食“同吸引應該都係海鮮冷盤，有生蠔、小龍蝦、青囗同大蝦，食落幾鮮味。壽司款式少，只有三文魚較吸引。熱葷例牌款式，中式西式咖哩樣樣有幾款，味道不過不失。 無燒牛肉有燒豬脾同燒雞(以為係火雞但食落唔似)，唔算好食。甜品款式最多，望落幾靚但大部分食落得個甜字，最好食係Movenpick 雪糕，仲可以揀兩隻味每款一小球，不過呢樣都唔係間餐廳嘅出品...最特別嘅竟然係呢度嘅節日氣氛。一部分係餐廳刻意營造啦，例牌聖誕裝飾梗有，一入去每枱都擺好Party帽同彩帶，仲有聖誕老人同你影相兼派禮物，同魔術師表演小朋友魔術同扭汽球添。八百蚊包埋呢啲㗎！另一部分節日氣氛來自顧客。雖然香港大部
今年聖誕節朝早上山頂散步，見峰景餐廳聖誕日brunch 自助餐居然walk in 都有位，一場來到就豪一豪吧，連加一成八百蚊位，酒店食都得啦。
食物方面選擇不算多，擺放食物嘅區域一眼望過去，每樣幾款細細盤，無食自助餐琳瑯滿目嘅驚喜感覺，係咪brunch 少嘢食啲？雖然更換食物都算勤力。最“抵食“同吸引應該都係海鮮冷盤，有生蠔、小龍蝦、青囗同大蝦，食落幾鮮味。
壽司款式少，只有三文魚較吸引。熱葷例牌款式，中式西式咖哩樣樣有幾款，味道不過不失。 無燒牛肉有燒豬脾同燒雞(以為係火雞但食落唔似)，唔算好食。
甜品款式最多，望落幾靚但大部分食落得個甜字，最好食係Movenpick 雪糕，仲可以揀兩隻味每款一小球，不過呢樣都唔係間餐廳嘅出品...最特別嘅竟然係呢度嘅節日氣氛。一部分係餐廳刻意營造啦，例牌聖誕裝飾梗有，一入去每枱都擺好Party帽同彩帶，仲有聖誕老人同你影相兼派禮物，同魔術師表演小朋友魔術同扭汽球添。八百蚊包埋呢啲㗎！
另一部分節日氣氛來自顧客。雖然香港大部分景點已被國內同胞攻陷佔，但唔知關價錢事定係國內旅客都係鍾意食中餐，呢度幾乎冇國內旅客之餘仲要有成差唔多一半顧客係外國人！仲要係一家大細扶老携幼着晒聖誕Party裝嗰隻！有啲仲好似係幾個家庭嘅聚會添！直情好似去咗外國嘅聖誕gathering咁！對呢班外國人嚟講，食物其次，最重要係有個好地方聚一聚！呢八百蚊，其實係一個有嘢食嘅Party嘅入場費嚟架！再加埋窗外嘅山頂維港景，如果白濛濛係因為飄雪唔係空氣污染就更加好氣氛 ...
不過體驗呢樣嘢，間中一次就夠，下次出八舊水，都係去酒店食...
張貼
