正宗上海生煎皇后麵館 (已結業)

近年深水埗區小店被雜誌瘋狂追捧，可能因為咁生煎包王子選擇係度開店。開店一星期都無乜興趣入去，直到有一個星期六下午，訓到黃朝百晏落街搵食，街上人頭湧湧，除咗區外人，更加多嘅係賓賓印傭同埋自由行...被人撞到無哂心情之下，又唔想食隔離維記(男友要keep fit)，眼前呢間麵館...... 聽聞係過氣名人oscar 開店，應該有至穩陣嘅生煎包掛? 好，見無乜人，唔洗等位，就入去試。結果......非常失望!!!生煎包呢???? 將個餐牌反轉再反轉，都係無嘅! 咁，咁就嗌餃子啦! 哇! 上枱嘅時候已經知道唔對路，長條形嘅，餃子??? 生煎包??你肯定呢碟唔係春卷??? 先食一囗，居然硬過石頭! 結果忍唔到要放得立即影張相，一定要post 上openrice share下。睇相都見到餃子皮乾到無水 仲要配沙律醬... 正宗上海食法???仲有碗麵，無記錯應該係魯水豬頸肉上海麵。雖則本人好耐無食過紅腸，之但係我如果要食下欄野，或魚蛋豬皮紅腸，我會過對面食文記車仔麵囉。呢個又係正宗上海食法??? 呢餐不知所謂嘅lunch... 盛惠2XX (如果無記錯)