鮨竜 (已結業)

請朋友食生日飯，佢話未食過廚師發板，就即管帶佢去試吓啦，其實我自己都唔係食過好多次咋！今晚揀咗$680既餐，先來一個滑溜溜嘅茶碗蒸，加上日本蕨菜增加口感！然後有四款刺身，包括鮮帆立貝，加了少許海澡鹽，所以店員提醒不用點醬油，另外仲有間白魚、笛鯛和拖羅，笛鯛上加有自家魚干醬汁，勁為鮮味，拖羅油脂感重，正！接著是佃煮黑梅貝，黑梅貝就是日本東風螺，用了一個日本傳統煮法，喜歡佢個汁甜甜地又輕微吊點辣味，螺肉彈牙。六件壽司包括馬糞海膽、伊佐木魚、活赤貝、星鰈、星鰻及拖羅，仲有個玉子燒附送。基本上全部都好新鮮好好食，鰻魚沒有平時嗰啲汁但都好有鰻魚味。海膽同拖羅都ichiban!最後仲有湯和雪糕，十分滿足！