街坊Cafe (已結業)

係雜誌見到以雞蛋仔做甜品既介紹, 吸引左我同妹妹前去一試。呢度既野食大多以港式美食為主, 碗仔翅、雞蛋仔等絕對係香港美食既其一代表。除左港式美食, 一般cafe既意粉、三文治、沙律、拉麵、小食等等...款式都幾多。今日我地就揀左menu上所推介既幾款野食:【波士頓龍蝦極上濃蝦湯拉麵】HK$138個湯底係蕃茄濃湯, 比較杰身, 意為蕃茄濃湯就會好酸, 反而食落係甜甜的, 帶點微酸, 幾開胃。半邊龍蝦肉質幾爽, 不過就比個濃湯cover左本身既鮮甜味。拉麵麵質較為彈牙。【皇牌卡邦拿拉河粉】HK$138呢款可以自選河粉/意粉, 我就揀左河粉, 因為係其他餐廳卡邦尼比較少見配河粉。呢個河粉好多汁, 個卡邦尼都幾杰, 幾Creamy~ 仲有少少煙肉同埋東菇片tim~【阿華田吉士雞蛋仔伴雪糕】HK$58街頭小食食雞蛋仔就食得多, cafe以雞蛋仔做甜品都係第一次見!雞蛋仔上淋上吉士醬再佈上阿華田粉, 伴上半溶既棉花糖, 棉花糖入口即溶,不過雞蛋仔唔係脆, 亦沒有太濃蛋味, 口感係林林的, 似食緊pancake既口感, 雞蛋仔做甜品算係一個新鮮感。