影片
更多
2017-05-28
1423 瀏覽
番工番得好有壓力，點都係要搵啲娛樂或者活動調劑下嘅～話晒吊頸都要抖抖氣啦…於是隊員W就煞費苦心地搵定路帶左隊長B黎呢度啦～喺樓下要禁對講機先有得開門，好似奇奇怪怪咁，但其實上到去係另一番別緻景色，估都估唔到～ 有露台同埋室內座位，暗黑環境有少許燈色相伴，一望出去就係Times Square，仲有小紫花同埋士兵哥公仔，真心好有情調～怪不得店員話呢度每年都要提早一年包場倒數，因為倒數一定好有氣氛！而且餐廳有酒牌，同FD子黎呢度飲野吹水都未嘗唔係一個好選擇～ 坐低研究左一輪餐牌，原來呢度有龍蝦all day breakfast同一系列都特別嘅野飲～正當愛好龍蝦嘅隊員W二話不說就揀左佢所愛嘅時候，隊長B亦都貫徹「試新野」心態叫左杯小桃是日特飲～事關呢杯野飲係按喜愛顏色﹑心情同味道而決定嘅，所以係有無限個可能，落order時店員已經會問隊長B中意咩顏色同要唔要汽，咁隊長B真心麻麻芒果同士多啤梨嘅，所以就特別講低唔要呢兩樣～唔知係咪呢日多人定係餐廳唔夠人手，等左差唔多一粒鐘先有野食，不過等緊之際欣賞下周圍風景同街外個電視大螢幕，再拎個望遠鏡玩下，時間都好快過嘅！ 終於野食到！先講下個
番工番得好有壓力，點都係要搵啲娛樂或者活動調劑下嘅～話晒吊頸都要抖抖氣啦…於是隊員W就煞費苦心地搵定路帶左隊長B黎呢度啦～喺樓下要禁對講機先有得開門，好似奇奇怪怪咁，但其實上到去係另一番別緻景色，估都估唔到～
有露台同埋室內座位，暗黑環境有少許燈色相伴，一望出去就係Times Square，仲有小紫花同埋士兵哥公仔，真心好有情調～怪不得店員話呢度每年都要提早一年包場倒數，因為倒數一定好有氣氛！而且餐廳有酒牌，同FD子黎呢度飲野吹水都未嘗唔係一個好選擇～
坐低研究左一輪餐牌，原來呢度有龍蝦all day breakfast同一系列都特別嘅野飲～正當愛好龍蝦嘅隊員W二話不說就揀左佢所愛嘅時候，隊長B亦都貫徹「試新野」心態叫左杯小桃是日特飲～事關呢杯野飲係按喜愛顏色﹑心情同味道而決定嘅，所以係有無限個可能，落order時店員已經會問隊長B中意咩顏色同要唔要汽，咁隊長B真心麻麻芒果同士多啤梨嘅，所以就特別講低唔要呢兩樣～唔知係咪呢日多人定係餐廳唔夠人手，等左差唔多一粒鐘先有野食，不過等緊之際欣賞下周圍風景同街外個電視大螢幕，再拎個望遠鏡玩下，時間都好快過嘅！
終於野食到！先講下個薄餅先，叫左個巴西燒烤風味（$148 / 大批）有墨西哥芝士﹑辣肉腸﹑煙肉﹑洋蔥同燒烤醬，餅底好脆芝士亦好香，兩個人食剛剛好～不過燒烤醬唔太明顯，未有太多驚喜，但整體係好食嘅！至於龍蝦breakfast（$158）, 沙律用左麻醬汁，所以幾香幾開胃，粟米粒超有咬口，兩個火腿芝士燕包烘得好脆，又有芝士味，蘑菇滑蛋雖無太多調味但蛋滑有菇味，兩條牛仔腸變左司華力腸但仍好脆皮。重點之中嘅重點—龍蝦，可能係煮耐左少少所以有點乾…但都好多蝦膏～味道OK啦～
再講下兩杯野飲，店員幫隊長B整嘅小桃是日特飲其實係紫色調嘅黑加倫子特飲，非常黑加倫子味，因為無加汽而且唔夠凍所以有少少滯，不過始終係隨意嘅tailormade所以感覺特別得意，可能下次會再叫睇下有咩其他口味哈哈！至於杯黃昏里米尼就好芒果味，加配雪糕幾消暑～甜品係忌廉泡芙4粒，甜甜的作結尾很不錯！
張貼
