174
8
4
港鐵銅鑼灣站 B 出口, 步行約3分鐘
繼續閱讀
開飯介紹
位於市區當中的旺中帶靜的樓上咖啡店，主打曾獲獎菜色醬燒豬仔全骨，從露台可欣賞銅鑼灣鬧市景色。
繼續閱讀
營業時間
星期一至四
14:00 - 23:00
星期五至六
14:00 - 00:00
星期日
14:00 - 23:00
公眾假期
14:00 - 00:00
以上資料只供參考, 請與餐廳確認詳情
食家推介
相關文章
食評 (198)
一行6人想搵間樓上cafe，要好搵又好坐，終於bk左小桃咖啡☕️室佢地有live band, board game, 我地bk左佢間vip房， 入面仲有電視同Xbox,可以一齊做機友（好好笑），我地瘋狂玩炸彈人，炸死人。好👌🏻廢話唔多講，講下食左咩先Cafe係以set為主，有小食，主菜，飲品。我地叫左6人set，人均消費100幾200，但可以坐個半中，店主好好人小食每人一舊，食完搶完好肚餓主菜Ribs： 烘得好軟林既肉排，表面燒焦左既邊配上燒烤醬Carbonara: 睇落好似好大碟，點知我地班化骨龍都係豪不猶豫食哂，店主傻眼見到我地餓鬼上身，仲即刻入廚房炒多盤比我地食多謝🙏🏼救助香港🇭🇰飢餓難民😂😂推介依間樓上cafe, 我地走個時見到露台望出去就係時代廣場既鐘樓，好浪漫🌹店主好nice後尾同埋我地一齊玩board game 好似一個cozy zone聚埋一齊，一齊渡過開心快樂既晚上🌃
繼續閱讀
上個禮拜六，我同左妹妹第一次去小桃咖啡室食飯，因為我哋兩個嗰日喺銅鑼灣行街，就諗住喺附近搵間餐廳食飯，就搵咗佢啦，我哋上到去都幾開心。因為嗰度有一個露台係可以望到對面時代廣場，雖然係低層，但個景都幾靚，我哋就叫咗一杯野飲，就出咗去露台飲，個杯飲品叫做奧利奧女神，係奶昔來的。我同佢都覺得幾好飲，我哋之後叫咗一個13”嘅Pizza，我覺得真係幾好食，因為係新鮮熱辣辣送到，上面仲有好多好多我同妹妹都好鍾意食嘅salami腸，唔係芝心批，但係都好薄好脆，如果下次去我都會叫返依一款。我哋之後又叫咗一個煙肉粒mozzarella cheese傢芝士薯條，我哋初頭都以為要叫多個意粉先至夠飽，但原來依個芝士薯條已經好飽好滿足，勁多芝士，我真係好鍾意衣一個！
繼續閱讀
❤美食推介❤銅鑼灣食遊記--小桃咖啡室 銅鑼灣是香港最熱鬧，繁華的地區之一，想好好感受一下香港的熱鬧和平靜 今次我就到了一家位於銅鑼灣的小桃咖啡室 坐在這裡可以好好欣賞銅鑼灣熱鬧的景色 坐落在銅鑼灣，旺中帶靜，環境舒適，坐位不多，令人感覺很舒適 外面就是熱鬧，繁華的銅鑼灣面向時代廣場 這個室外空間，可以好好靜靜的感受到香港的熱鬧，繁華 和朋友小聚聊天，拍照打卡都非常適合 偏歐風的室內設計陽光透過落地玻璃門走進來，令人有身處外國的感覺 餐湯，是味道很香的羅宋湯 味道很好，一般我不太喜歡羅宋湯，因為好多時覺得好酸 但這個羅宋湯酸甜適中，開胃之餘，不會令人覺得滿嘴酸味 多士真的很香脆，有啪啪聲，真的非常好吃 芝士肉醬意粉 份量剛剛好 肉的份量十足 吃起來很有口感 這裡真的是打卡的好地方 坐在邊，陽光非常好 拍出來的照片超漂亮 巴西燒烤風味 pizza８＂ 薄批，批底很香脆 墨西哥芝士味道較香濃 材料配色令人胃口大開 味道偏淡口，主要是香濃芝士，配搭香脆薄批加上煙肉、洋蔥、辣肉腸吃起來很不錯 法國芝士酥皮田螺配是日沙律 顏值滿分 這裡的味道和擺盤都很美 對於喜歡拍食物的朋友來說，真是天堂呀 這個小食很可愛，很特別 酥鬆酥皮配法國芝士 薯條 薯條很脆，肉醬加上沙律醬 風味獨特 水蜜桃特飲 是很香濃的味道 整體來說，這間cafe由環境到食物都非常好 食物以cafe來說，是非常好吃的 而且可以一覽銅鑼灣的景色 可以靜靜享受一下成市的氣息 非常適合聊天小叙，影相打卡
繼續閱讀
雖然銅鑼灣好多間樓上Cafe，但唔係間間都有好質素，咁啱朋友介紹左呢間，咁一於去試吓啦。一上到去，見到啲環境裝修都好靚，好適合情侶或者一大班朋友去，仲有得坐係出面，可以睇到銅鑼灣嘅風景。咁我哋就叫咗個煙三文魚意粉，啲煙三文魚食落唔會太鹹，個意粉就好香好入味。個蒜蓉包夠晒脆同香口，可惜得一舊呀。呢個串燒拼盤雞牛豬各有三條，可以幾個朋友分黎食。個牛食落好香，而且煮嘅時間啱啱好，唔會太硬或者咬唔爛。而個雞都好嫩滑而且好夠味，唔使點醬已經好好食。呢個意粉就好有香甜既茄汁味，食落酸酸甜甜咁好開胃，搞到我都忍唔住食咗幾碗，襯埋d蘑菇真係100分呀。原來呢度仲有間VIP房，入面有得打機又有得玩 board game，啱晒一大班朋友來玩啊，等我下次gathering提議下黎呢度先。
繼續閱讀
今日同朋友喺銅鑼灣行完街，想搵個可以坐耐啲嘅地方食飯傾吓計，所以就上咗嚟呢度！呢間cafe環境唔錯，有幾個露台位，一望出去就係時代廣場，但係夏天熱辣辣都係留返係室內啦！我地揀咗個特色二人餐，有餐湯或沙律，雞翼，招牌嘅豬肋骨，仲有意粉，甜品同飲品，好豐富！係等上菜嘅時候我哋拎咗2個board game黎玩，玩嘅時間過得特別快，不知不覺啲野食就黎喇！首先黎嘅係兩杯飲品，我揀左餐廳推薦嘅西柚沙冰，西柚味好岀，又唔會太酸太澀，岩曬夏天飲，而朋友話佢嗰杯夏日摩納哥(水果梳打)都唔錯！今日餐湯係白湯，入面有蜆肉，creamy嘅湯配埋蒜蓉包一流！長通粉沙律份量岩岩好，好多甜甜嘅粟米。蜜汁雞翼幾惹味，熱辣辣好味！之後就到卡邦尼意粉，醬汁好足夠好creamy，意粉煮得彈牙！最後上既ribs配薯條非常有水準，果然係得獎作品，ribs肉質軟林又多汁，香脆薯條醬汁非常出色，食到停唔到口，最後仲有個小泡芙做甜品。整體來講呢間餐廳都係有驚喜，滿足到個胃又可以玩game傾計，下次可以試下一大班friend黎玩！
繼續閱讀