影片
更多
2019-04-28
131 瀏覽
係D2商場行街，見到一間門口幾特別既日式餐廳睇到 menu，見到係食係香港唔常見鐵板料理！二話不說即走入來試左先講鐵板料理有主要兩個套餐，龍蝦或者鮑魚，而作為海鮮愛好者真係好鬼難抉擇！兩樣都吸引！！！！主菜未上，前菜已經好吸引，沙律好常有，但醃製過嘅花螺做前菜，相當有特别，花螺非常入味而且 唔會好似平時嘅花螺咁韌， 加埋個沙律即刻食慾大增第一道菜，係白鯛魚。 炸過嘅魚鱗香脆嘅魚皮， 配上特製白汁煮嘅魚肉非常滑！ 唔會因為炸過而令到魚肉變老身，一啖要連魚鱗同魚肉食， 會感受到香！脆！滑！幾種滋味， 簡直就係一次過滿足曬三個願望🤣🤣好野係會繼續來~ 由於廚師就喺你前面， 佢會非常細心逐樣逐樣菜等你食完之後keep住上而呢樣就係大家都見到嘅扇貝， 用咗好特別嘅湯汁蒸煮， 本身扇貝肉又有另外煎香過， 陣陣香味已經聞到扇貝嘅新鮮扇貝食咗之後千祈唔好浪費咗佢嘅湯汁！ 呢啲湯汁都係重點， 小弟我一滴不剩，全部喝埋 扇貝嘅鮮味全部喺曬呢啲湯汁到。終於來到主菜， 隻鮑魚絕對有手板咁大隔離碗仔嘅係準備好嘅鵝肝🤤係你面前煎煮嘅鮑魚， 佢會分成兩味唔同口感嘅菜， 首先上嘅係鮑魚中間嘅肉切片， 爽脆嘅口感、鮮甜
睇到 menu，見到係食係香港唔常見鐵板料理！
二話不說即走入來試左先講
鐵板料理有主要兩個套餐，龍蝦或者鮑魚，而作為海鮮愛好者真係好鬼難抉擇！兩樣都吸引！！！！
主菜未上，前菜已經好吸引，沙律好常有，但醃製過嘅花螺做前菜，相當有特别，花螺非常入味而且 唔會好似平時嘅花螺咁韌， 加埋個沙律即刻食慾大增
第一道菜，係白鯛魚。 炸過嘅魚鱗香脆嘅魚皮， 配上特製白汁煮嘅魚肉非常滑！ 唔會因為炸過而令到魚肉變老身，一啖要連魚鱗同魚肉食， 會感受到香！脆！滑！幾種滋味， 簡直就係一次過滿足曬三個願望🤣🤣
好野係會繼續來~ 由於廚師就喺你前面， 佢會非常細心逐樣逐樣菜等你食完之後keep住上
而呢樣就係大家都見到嘅扇貝， 用咗好特別嘅湯汁蒸煮， 本身扇貝肉又有另外煎香過， 陣陣香味已經聞到扇貝嘅新鮮
扇貝食咗之後千祈唔好浪費咗佢嘅湯汁！ 呢啲湯汁都係重點， 小弟我一滴不剩，全部喝埋 扇貝嘅鮮味全部喺曬呢啲湯汁到。
終於來到主菜， 隻鮑魚絕對有手板咁大
隔離碗仔嘅係準備好嘅鵝肝🤤
係你面前煎煮嘅鮑魚， 佢會分成兩味唔同口感嘅菜， 首先上嘅係鮑魚中間嘅肉切片， 爽脆嘅口感、鮮甜嘅味道、連埋煎煮嘅香味！ 食過之後，我直接覺得面前嘅大廚絕對唔簡單🤣🤣
呢一味都係鮑魚粒， 呢一道味道較濃沃， 鮑魚頭尾嘅肉煮得十分之腍
第二道重點菜， 煎過嘅鵝肝， 同樣都係用你面前嘅鐵板煎過嘅包， 鵝肝嘅汁同油滲落包入面！ 鵝肝嘅外表已經煎得香脆， 連同流出嚟嘅鵝肝油連埋香脆嘅方包一齊食，仲要係咁大舊鵝肝 一啖一啖，爽呀 好耐都冇食過咁高質素嘅鵝肝。
再來就係西冷牛扒 加上香蒜片
又係一道高質素嘅菜！ 肉質非常嫩😌😌
中途店員會非常之細心幫你換第二杯較濃既茶， 幫助消滯
最後，係炒烏冬， 味道啱啱好， 但食到最後已經唔係太食得落，
食烏冬之前仲會有一碗魚豆腐湯， 一開始以為係普通嘅麵豉湯， 飲落先知原來係魚湯， 魚味相當濃沃， 非常鮮甜嘅魚湯。
仲會有即炒既菜， 食咗咁多肉， 呢個時候 有一道炒菜， 係廚師巧妙嘅安排。
最後甜品種食咗一個廚師即制嘅紅豆餅， 由於上傳唔到咁多照片， 所以各位可以自己去親身試一試
張貼
