Sky726

之前食過呢間餐廳 覺得都唔錯 咁啱朋友想慶祝一下 於是第一時間就諗起可以試吓呢間 因為個環境好靚 可以睇到旺角既夜景同埋配合暗暗既燈光 真係好有feel架一打開啲門見到佢轉晒Halloween嘅主題先記得原來Halloween就到😂 〰️吞拿魚尼斯沙律〰️$138呢個沙律有煙三文魚雞蛋沙律菜番茄仔等等所以佢嘅色澤相當豐富 睇見已經覺得好開心欣賞完一輪之後就係食嘅時間 煙三文魚相當新鮮 呢個沙律有啲特別平時係會加醋嘅 但係佢冇加醋嘅情況下都相當醒胃 而且平時我係唔食橄欖 但係呢度將橄欖切片 個味又唔似平時食咁苦〰️雪利酒炒西班牙辣肉腸〰️$138呢個西班牙腸嘅質地呢係有啲煙煙韌韌嘅感覺 個汁既酒味稍微反而食到酸酸甜甜嘅感覺 而且係有幾片麵包係側邊 可以點埋個汁食 唔好嘥〰️芝士釀墨西哥辣椒〰️$108喺辣椒上邊釀咗啲芝士之後再炸 炸到金黃色咁 再點埋個酸酸地既醬 好惹味〰️蘆筍配泡菜意大利粉〰️$158平時食泡菜多數都係當係前菜咁食 但係呢度就用咗嚟炒意粉 其實本身朋友叫呢個意粉嘅時候就覺得好似好齋咁 雖然佢真係齋😂 但係估唔到泡菜加咗意大利粉咁樣炒有幾特別喎泡菜本身嘅辣味沾左落意粉嗰度拎個意粉有少少辣