更多
2020-02-06
3506 瀏覽
平時得閒鍾意同閨蜜歎吓High Tea吹吓水嘅我今次又去試咗新一款下午茶啦唔好以為High Tea一定係好貴其實而家好平嘅價錢都可以食到睇落好靚嘅下午茶喺club@28試咗呢款tea set我通常揀啲抵食又唔貴，靚得嚟又飽肚嘅下午茶今次Tea食GLYCEL燕窩魚子醬煥膚下午茶共有5款鹹點同6款甜品仲有杯cocktail/floral tea任揀一款，閨蜜二話不說揀咗花茶而我想特別啲，鍾意strawberry，但唔飲得酒就問問waitress呢款cocktail特飲可否唔要酒精雖然對方提醒會唔同味，好彩都可以唔落酒精望隔離枱嗰杯strawberry cocktail同呢杯睇落其實無太大分別呢杯特飲飲落似strawberry果汁沙冰鍾意strawberry嘅我表示超鍾意鹹點有5款香煎慢煮雞肉紅椰菜沙律撻﹕撻內釀咗雞肉碎同椰菜沙律，微酸幾開胃蘋果三文魚子紫菜蝦片﹕蝦片上放咗蘋果，蘋果撈埋三文魚子帶上少少鹹味，紫菜就有點綴作用小龍蝦飛魚子忌廉芝士牛角包﹕牛角包入面釀咗好多餡料，好豐富，蝦肉魚子鮮味，忌廉芝士香濃惹味鴨肝批燕窩紅桑子脆脆﹕放餅乾上面嘅鴨肝，味道香濃，入口軟滑，餅乾需同時入口，可解
今次又去試咗新一款下午茶啦
唔好以為High Tea一定係好貴
其實而家好平嘅價錢都可以食到睇落好靚嘅下午茶
喺club@28試咗呢款tea set
我通常揀啲抵食又唔貴，靚得嚟又飽肚嘅下午茶
今次Tea食GLYCEL燕窩魚子醬煥膚下午茶
共有5款鹹點同6款甜品
仲有杯cocktail/floral tea任揀一款，閨蜜二話不說揀咗花茶
而我想特別啲，鍾意strawberry，但唔飲得酒
就問問waitress呢款cocktail特飲可否唔要酒精
雖然對方提醒會唔同味，好彩都可以唔落酒精
望隔離枱嗰杯strawberry cocktail同呢杯睇落其實無太大分別
呢杯特飲飲落似strawberry果汁沙冰
鍾意strawberry嘅我表示超鍾意
鹹點有5款
香煎慢煮雞肉紅椰菜沙律撻﹕撻內釀咗雞肉碎同椰菜沙律，微酸幾開胃
蘋果三文魚子紫菜蝦片﹕蝦片上放咗蘋果，蘋果撈埋三文魚子帶上少少鹹味，紫菜就有點綴作用
小龍蝦飛魚子忌廉芝士牛角包﹕牛角包入面釀咗好多餡料，好豐富，蝦肉魚子鮮味，忌廉芝士香濃惹味
鴨肝批燕窩紅桑子脆脆﹕放餅乾上面嘅鴨肝，味道香濃，入口軟滑，餅乾需同時入口，可解去鴨肝膩感
煙三文魚酸忌廉魚子醬﹕將魚子醬放上三文魚上，感覺好矜貴
甜品有6款
豆腐奶凍檸檬魚子﹕豆腐味奶凍清清哋都OK，檸檬魚子就唔太食得出
蜜糖乳酪慕絲﹕比較中伏嘅一款，慕絲有啲難食，同蜜糖乳酪好似唔太夾
燕窩葡撻﹕最穩陣嘅一款甜品，唔算好甜，加入一坨燕窩感覺特別矜貴
芝士餅配紅桑子果醬朱古力﹕我唔食朱古力，只係食咗入面啲餡，芝士餅好香濃，紅桑子果醬酸酸甜甜好滋味
燕窩法式栗子撻﹕撻內釀入栗子蓉，上面再舖有燕窩，感覺亦好矜費，栗子蓉磨得細膩幼滑，閨蜜唔太鍾意陣味，不過我就覺得栗子味幾唔錯
洛神花凍梳乎厘﹕我不嬲鍾意食梳乎厘，但今次梳乎厘係凍食，感覺無熱食咁滋味，梳乎厘都係熱辣辣焗完即食先食到嗰種鬆軟感，凍食口感軟綿綿，似食布甸奶凍之類
食完Tea每位仲可獲贈一份GLYCEL燕窩及魚子肌膚護養產品
感覺更抵食
室內環境好舒服，仲可以望到跑馬地馬場
落地大玻璃可以望到窗外景
對住戶外景食Tea特別Chill
張貼
