釣魚船屋 (已結業)

老老實實，首先呢間餐廳Gimick多於一切，如果你本身唔係諗住想試吓室內釣魚釣蝦嘅感覺就真係可以諗清諗楚係唔係真係需要幫襯呢一間餐廳。其次就係垂釣區個玩法好似流流地(有人會落手去捉蝦)，當你好有心機喺度釣嘅時候隔離有其他人咁搞法你真係會好懷疑自己做乜喺度比錢釣。食物方面，質素只屬一般，魚生刺身唔算好新鮮，不過價錢就比較高，我個人覺得唔係太值得。另外值得一提嘅就係呢間餐廳上菜速度極慢，除咗我哋之外，現場目測都有其他客人係咁追個侍應話叫咗嘅嘢好耐都未到。