影片
更多
2019-05-26
84 瀏覽
記得好多年前去曼谷嗰時會特登去食greyhound,後尾開咗喺香港，依家越來越多分店，屋企附近都有。佢係比較fusion style嘅泰菜，有特色之餘，味道都唔錯。Tom Yum Soup 128同一般泰國菜嘅冬陰公相比，呢個香濃得來唔會太鹹。仲有細細粒意大利雲吞，估唔到味道都幾夾。而且嗰兩隻蝦好大隻、又鮮甜。Salmon Carpaccio 118個汁有啲似平時食泰式生蝦嘅汁，配三文魚感覺都好清新開胃。Phad Thai Prawn 138本身想叫龍蝦，可惜當晚賣晒，下次要早啲去試。phased Thai大碟又夠鑊氣，味道都好正宗。Curry Crab on Rice 198好多蟹肉，但係個汁略嫌有啲鹹，食咗半碟有啲膩。Mixed Berry Crepe Cake 68好大件，兩三個人share先食得晒。個cream好香滑，甜而不膩，係少數我覺得好食嘅千層蛋糕。Fruity Shaky Yogurt 62用鮮果打成，好重香蕉味，加入乳酪，味道酸酸甜甜。Pink cooler 62都係用鮮果做，但係佢加入嘅糖水有少少藥水味。Mango sticky rice 68用水仙芒，比起呂宋芒冇
Tom Yum Soup 128
同一般泰國菜嘅冬陰公相比，呢個香濃得來唔會太鹹。仲有細細粒意大利雲吞，估唔到味道都幾夾。而且嗰兩隻蝦好大隻、又鮮甜。
Salmon Carpaccio 118
個汁有啲似平時食泰式生蝦嘅汁，配三文魚感覺都好清新開胃。
Phad Thai Prawn 138本身想叫龍蝦，可惜當晚賣晒，下次要早啲去試。phased Thai大碟又夠鑊氣，味道都好正宗。
Curry Crab on Rice 198
好多蟹肉，但係個汁略嫌有啲鹹，食咗半碟有啲膩。
Mixed Berry Crepe Cake 68
好大件，兩三個人share先食得晒。個cream好香滑，甜而不膩，係少數我覺得好食嘅千層蛋糕。
Fruity Shaky Yogurt 62
用鮮果打成，好重香蕉味，加入乳酪，味道酸酸甜甜。
Pink cooler 62
都係用鮮果做，但係佢加入嘅糖水有少少藥水味。
Mango sticky rice 68
用水仙芒，比起呂宋芒冇咁甜，但係好清香。
張貼
