首首.韓式小館 (已結業)

放工後同男友去左利東街搵食，初頭以為呢間餐廳係食西餐，係門口睇menu發現原來係韓國餐廳，見食物種類都幾多就入去試試。見佢有個烤半熟1++韓牛勁想試，可惜無貨前菜泡菜係一大片，都幾辣，幾好食。侍應見你食曬仲會問你要唔要refill架辣炒八爪魚配素冷麵八爪魚🐙個汁辣辣地好惹味，幾好食。開頭第一啖覺得唔算太辣，之後越食d辣味越出，配埋d冷麵一齊食都幾過癮。香辣蒜粒炆牛肋骨牛肋骨肉質軟滑，個汁都好香濃，蒜味十足。韓式牛肉拌飯佢除左有牛肉之外，仲有d奄左既芽菜，泡菜蘿蔔，同埋有d草葉，初頭見到d葉就想唔食，但原來撈埋一齊食個感覺好清新，唔會好重味，好好食。香煎韓式薯仔脆餅以為係一個小小既小食，但原來個薯餅都幾大個，一條條薯條仔整成一個餅，好香脆，唔會乾身，但上面果幾片薯片就一般，有d淋左。侍應推介既米酒，酒精濃度較高但會比較滑身，我覺得無介紹錯呀，甜甜地又好滑，個感覺似日本濁酒。呢杯係芒果再溝左d米酒既cocktail 好飲，芒果味唔假，酒味又唔會太濃。本身想試埋d甜品，可惜實在太飽啦，唯有留待下一次。