Lab Eat Bistro (豉油街) (已結業)

之前食過lab eat尖沙咀分店覺得食物高質，今次黎試下佢地新開既姐妹店，前菜叫左個紅菜頭沙律，因為朋友要健康菜式，份量非常多有好多紅菜頭，仲有火箭菜，沙律菜同橙等，好fresh，主菜慢煮燒烤醬燉牛小排，脂肪同牛肉比例完美融合一齊，製造出入口即溶既口感，燒烤醬味道非常香濃，廚師亦有特別將表面烤至微脆，真係好好味，連配菜都想食埋😋另一個主菜慢煮法式雞胸配白酒忌廉汁同樣出色，佢個忌廉汁令人眼前一亮，雞胸熟得恰好，少少粉嫩顏色，肉質非常嫩滑，好容易就切得開，飲品我揀左草莓荔枝綠茶，有消膩作用，荔枝綠茶味較草莓味重，但3種配合一齊完來又真係幾好飲，最後甜品揀左佢地自家制雪糕，適逢朋友生日特別有個生日牌，店員好有心思呀，是晚係紫蘇葉雪糕，非常獨特既一種香草味，平時食西餐做調味料就聽得多，估唔到雪糕都有，幾新奇，可以係招牌菜一種，真係要讚讚佢😂😂🖖