呢到嘅位置好闊落。坐得好舒服。而且周圍有唔同嘅掛畫，好令人放鬆。佢連食飯碗都有特色🤤
一坐低就同朋友點餐。我地揀左香葉蝦仁米紙卷、小食拼盤、喇沙、無骨海南雞飯同Pineapple Gaarden
小食拼盤有蝦餅、雞串燒、雞翼、春卷。蝦餅嘅外皮非常脆口，內裏彈牙。仲咬到啖啖蝦肉。春卷非常香脆。餡料豐富🤤雞翼同雞串燒味道不錯，略嫌有點硬。
香葉蝦仁米紙卷非常清新，有薄荷葉同青瓜。而且有大大隻嘅蝦🤤my favourite🤤點醬汁酸酸地嘅醋味，好正好match🤤
無骨海南雞飯有油飯、湯同菜🤤雞肉滑嫩，拆骨好方便食！油飯配上花生粒食好有咬口好香。份量足夠。
Pineapple Gaarden超大杯呀！菠蘿味突出，無阻hoegaardan嘅味道。估唔到咁match呀！入面仲有菠蘿粒，有得飲又有得食，好過癮。好有夏日風情，又可解渴。
喇沙，有蝦有蟹柳有魚蛋有蜆有豆卜有雞絲有雞蛋，材料新鮮又豐富，湯味濃郁，麵底有2款，叫得多野食，浸得耐，但唔會好易稔。湯都飲曬😂
總括黎講非常滿意。回頭率100%又好食又抵食🤤
