Mee...Lemongrass (已結業)

今日落樓下做facial.美容師話多吃collagen可以令皮膚滑d做完有少少餓就入左去呢間鋪頭間鋪頭d員工好有笑容 特別係迷彩衫那個員工.佢好有耐性咁講解曬成個Menu俾我選擇忽然發現有Collagen呀 就叫左碗🐷皮🐖心丸米粉食下需然好有罪惡感 但真係好味啊. 食完即覺得皮膚變得有彈性. 害我之後去跑了一個鐘步找數.不過 呢間店都去得過 火炭冇幾多Easy food😋 下次再做完facial再去試下其他野食先

今日去到火炭四周圍冇乜餐廳唔想食老麥 就衝左入去食車仔面估唔到又幾好味最愛豬皮羅白 一流仲有炸魚皮啊 同煎壤三宝在商場內估唔到都可以食到傳統車仔面都唔知幾耐冇食過啦 得閒經過再去

今日午餐諗住嚟食海南雞飯，點知坐低左嗰下先發現冇哂以往所有泰式午餐，只有車仔麵選擇。既然坐低左，就即管試下味道如何啦。.我叫左米線、清湯、魚腐+墨魚卷+牛腩($43)。男朋友叫左粗麵、腩汁、豬潤+牛腩+九菜餃+另一款餸($49)。.首先，米線淋到似比BB仔食，自己煮都冇咁嬲，咁嘅價錢只有咁嘅質素真係好失望。清湯理所當然都只係味精湯。至於餸，我揀嗰三個都煮住係王牌推介，完全未食過咁難食嘅魚腐。我對魚腐嘅認知係彈牙，有魚味，但佢嘅魚腐似係一舊吸滿水浸到爛溶溶嘅棉花咁，又有魚腥味。墨魚卷同牛腩普普通通。.另一碗粗麵又係淋、唔彈牙，腩汁又係味精，豬潤腥，其他餸都係普通啦。.食物質素已經咁差，員工質素都唔係好得去邊。兩個企門面嘅一男一女後生職員，竟然喺工作時間玩「背脊貼烏龜紙」遊戲，紙上圖文並茂。經理又不出言阻止，只是默默幫佢地一次又一次搣走紙張，間接允許佢地於工作時間玩這個幼稚遊戲，反映了管理層的問題。.本身久唔久都會嚟食午餐，但經過今次之後應該唔會再嚟。

難得有一天沒有帶飯，同同事出去食飯，就去左呢間食喇。對我來說都幾貴嫁，但係佢既份量就好大，有沙律，主菜，飲品同埋甜品，一個女仔一定食唔切😅我地叫左新彊咖哩牛腩飯，海南雞喇沙面，海南雞飯同埋軟殼蟹撈檬。個咖哩真心唔錯，佢唔太辣嫁，牛腩又多，又大；海南雞飯同喇沙面係有分別嫁，飯係有菜配埋，但面係冇嫁，不過個喇沙好濃，仲幾辣，比一般喇沙底辣：軟殼蟹撈檬個蟹有啲細，相對味道正常，佢個味酸酸地幾開胃，重點係天氣熱當然要啲凍食啦 😂沙律同甜品就每日都唔同，不過因為可能熱既關係，佢同埋啲主菜一齊上，食完主菜個甜品都融左😅

自從朋友帶過我黎試呢間既炭燒厚切豬朳之後就愛上左所以間唔中都會心思思想食下, 同埋每次黎呢度都必定係食佢而今日由於做野比較晏, 所以就唔係黎食LUNCH, 而係食TEATEA既價錢比LUNCH平少少, 以為佢份量都會減少點知係同LUNCH一模一樣既, 個豬朳燒得好香, 加埋蜜汁好好味好似食緊半肥瘦既义燒, 上面加埋少少蔥油同炸蒜加上豬朳大大塊, 真係食豬朳都會飽呀另外呢度既撈檬都唔錯, 配料都好足, 撈既甜酸汁係每位客人有一枝, 有蓋都好貼心, 服務都唔錯

成間餐廳嘅環境都好舒服又光猛。同朋友嗌左招牌無骨海南雞飯、秘製特色牛骨湯河、凍伯爵珍珠奶茶、凍火炙芝士黑糖珍珠鮮奶同一個小食馬來蜜汁炭燒厚切豬扒，嗌左冇耐嘢食都好快就黎到珍珠奶茶啲珍珠好有彈牙唔會死實，伯爵茶味重，唔會太奶 我中意。我朋友個杯奶蓋好多 佢中意勁有奶味 表示好滿意成碗河雖然都係牛，但個湯底好清甜，如果加埋青檸汁就會有一種清新感覺，即刻令成碗牛肉河粉既層次提升左，令牛肉更加鮮味，所以食完都唔會覺得好膩，反面令到我更加開胃啲牛肉又唔韌，最正係啲牛柏葉，完全索哂啲湯超入味同非常爽口，而且啲牛筋丸彈牙好juicy，牛筋就係好易咬好軟林林，好似食左勁多骨膠原落肚咁河粉都好稔滑，唔會痴埋一舊。我好中意啲芽菜芫茜辣椒用另外一個碗仔裝住好正，因為好似我咁唔中意芫茜就可以唔加落去招牌無骨海南雞飯，唔中意lur骨既我可以大大啖食雞肉，啲肉好滑 唔鞋 勁中意啲汁 可以撈哂成碗飯。而飯係油飯黎 香噴噴 配埋碗豬骨湯 飽哂～亮點蜜汁豬扒好出色豬扒有炭燒同蜜糖嘅味道，豬扒邊邊位燒到焦焦地，但係又唔會太過火，所以食落去有焦脆嘅感覺好有口感。炸蒜係上面令到佢更加香口，配埋個地道嘅辣椒汁好match目測有

係深水埗食完 tea，跟著遊車河，都吾知晚餐去邊度食好。諗起同事話火炭D工商業大廈好多野食，咁就上 openrice 睇下火炭又咩食，就搵到呢間 Mee... lemongrass 啦！搵完食咩，就梗係要搵埋泊車啦！商場消費滿$200免一個鐘。附近亦有標位。 Mee... Lemongrass 店舖好闊落，可能比較晏，得四成滿。餐牌都好多選擇，老公話吾係好肚餓，所以叫左兩碗粉面。都幾大碗，又多餸。特色牛骨湯河，有牛筋，牛腩，牛柏葉，牛丸，肥牛，每樣都兩三件。湯底好牛好好味。👍海鮮喇沙，有蝦，魷魚，蜆，豆腐卜，魚蛋，雞蛋。喇沙湯底亦好惹味😋。六七十蚊碗，好抵食。最後埋單仲送芒果糯米飯coupon。

看見open rice裡的 一致好評， 抱著期待的心情來到駿景園的這間泰國/馬拉西亞餐廳。點了肉骨茶， 海南雞飯和龍蝦laksa米粉麵。肉骨茶很快來了， 湯根本就不熱。在馬拉西亞， 肉骨茶是用瓦煲上的， 不熱辣辣的湯及根本不合格； 湯基本偏甜 ， 失望。laksa 味道也是片偏甜，辣味根本沒有， 龍蝦根本就是很腥，肉又霉。在龍蝦上面放了我一些類似，sambal 的醬，也是超級甜 沒辣味。 所以食物根本談不上是Malaysia 的味道。海南雞是滑， 還過得去。

屋企樓下食個lunch, 諗住求求其入一間，都無諗住有咩要求…… 點知中晒伏！早知入x快活好過！叫左兩個lunch set, 豬扒菜飯同4餸牛骨湯河，兩set都有沙律同甜品，飯set就多個湯，望落好似好豐富咁……先講個飯，1.豬扒雖然係餐牌到有推薦，食落只係普通正常蜜汁豬扒，亦係唯一我食得晒既野 2. 菜飯最出事，我寧願佢俾返普通白飯我，而家勁似叮完果d隔夜飯，唔識形容，總知勁難食！3. 沙律係好似泰式沙律咁，全碗沙田柚加蝦乾，底墊左塊生菜，可能唔係好岩我口味，食左一啖就放低左 4. 蘿蔔粟米芯湯，正常 5. 甜品…… 正常貨，唔算好食，食左一半又放低左 5. 餐飲熱奶茶，一d都唔滑，飲左一半放低左問左朋友，佢個牛骨湯麵係咪好食d, 因為聞到幾香牛味，佢只係答我，'ok la , 正常囉！'大概平均$70蚊一個頭，就算係樓下都應該唔會回頭

舖頭裝修感覺好清新好乾淨，第一次黎火炭呢邊，諗住求其搵間舖頭填肚一坐低已經見到餐廳既心思，個碗唔單止係雞公碗仲印埋舖頭名，有心思！先試今期優惠龍蝦喇沙，超級抵，叫一碗已經足夠二人分量！最大驚喜係原隻龍蝦，食落啲肉都幾彈牙，喇沙湯底好入味，豆卜絕對可以等佢吸多啲湯既精華先再食，連湯底都飲左一兩碗，好好味紅豆冰最特別係泰國維他奶，甜度都高，但男朋友表示好鐘意👍🏻 通常其他地方都用椰奶，維他奶真係第一次小食方面，軟殼蟹推介春卷加左蔬果落去，唔膩同有淡淡蔬果味又保持到炸軟殻蟹既香串燒當然係Must Have item, 最讚係個汁最後加埋個甜品，完美

今日ot得咁辛苦，梗係要食餐好既慰勞下自己啦，差完電聽日先有精力ma。聽朋友介紹， 有一間泰國菜都幾值得試，叫做me...lemongrass. 咁我就卜左係駿景廣場果間分店兩位7點半就坐啦，去到餐廳第一眼望落都幾舒服，一黎地方闊落，二黎又唔會太嘈，好適合怕嘈吵既朋友聚會或者情侶約會。見佢係唔少地方都有分店。望見餐牌，選擇雖然唔多，但係勝在賣相搭夠。首先叫左個小食過下口癮，軟殼蟹米紙卷，砌得好靚，一層薄薄透透地嘅米紙包住各類嘅蔬菜，加埋脆脆地嘅軟殼蟹，一啖咬落去，fresh得黎口感好多層次好滿足。主食方便我地叫左個海南雞喇沙,值得一讚嘅係個喇沙湯底好香濃，海南雞方面，第一次上係感覺好硬嘅雞胸，再問先知要加$$轉雞脾。咖哩牛腩油飯個賣相都唔錯，食落牛腩諗身，咖哩汁送飯一流。最後仲加埋個好有特色嘅香芒椰汁糯米飯佢個樣係好似壽司咁，上面好甜嘅芒果加埋下面暖暖地,煙煙韌韌嘅糯米飯，再配埋個椰汁👍🏻好似食緊壽司又好似食緊傳統嘅芒果糯米飯，幾有創意👏🏻😂野飲就叫左Purple Rona 同 泰式奶茶。Purple Rona用碟豆花+青檸汁變成紫色好靚😍泰式奶茶都好有係泰國飲個隻味。總括黎講俾我想像

一大早約左朋友去行沙田 到左午飯時間一時興起想食啲辣野 朋友建議去馬來喇沙海南雞飯專門店食 仲話自己試過味道唔錯 于是决定試吓我哋撊左火炭駿景廣場個間 係火炭站步行幾分鐘就到好方便！可能係午飯時間店內都好熱鬧 店餔唔算大勝在環境舒適 午餐都好多選擇 我哋分別叫左招牌無骨海南雞飯 肉骨茶 喇沙海鮮 椰汁千層糕4樣野 海南雞飯啲雞好鮮甜無骨啖啖肉再配上的雞油飯味道一流 喇沙海鮮比想像中辣左啲但用料十足 湯底好味 肉骨茶好正 真材實料厚厚的香菇 松軟嘅一字排骨加上足料的藥材 營養好豐富味道好正宗 食完幾道重口味來過甜品 椰汁千層糕口感唔錯 甜度剛好心情都靚晒。 兩個人叫左咁多野 買單才240幾蚊價錢唔算貴 沒來過的朋友值得一試

好耐都冇去探過姑媽啦！佢之前做完手術都唔得閒，而家趁佢做完物理治療嘅時候順便約佢食餐飯，地點一於就佢方便喺佢屋企樓下！以前呢個商場冇咁多嘢食，最近就多咗好多新血！我哋揀咗Mee...lemongrass，主打東南亞菜的，最緊要佢嘅菜式好多元化，馬來西亞、越南、泰國口味都有，滿足晒我哋唔同人嘅胃口！我喺門口已經比隻大龍蝦吸引，重點係做緊半價，優惠 $84 真係大爆發，風味果然十足的喇沙真係食過返尋味！抵食又足料，大大碗喇沙，真係夠兩個人分享，我個人推介必食招牌菜！波士頓龍蝦喇沙用原隻有成 20cm 的波士頓龍蝦，龍蝦肉不單止夠鮮味，入口厚肉，口感爽彈，惹味濃郁的湯底令龍蝦鮮味更加提升。姑媽就讚美 Mee.....的喇沙口味正宗，因為佢都係1/4個馬來西亞人，食得出湯底有水準，而且仲有傳統嘅「摻摻」，一半油麵一半米粉，仲有睇落去唔係好起眼嘅豆卜，吸收晒湯底嘅精華。製作好有誠意！另一款要讚嘅係馬來蜜汁炭燒厚切豬扒撈檬 $66，豬扒肥瘦相間，一啖入口真係回味無窮！而且見到飲品都好得意，點只冰冰咁簡單@好有創意的飲品。Cool 爆鮮芒果冰冰 $38 好大杯啊！一座芒果冰山有粒粒新鮮的芒果肉，清甜

上網睇到呢個商場有好出名嘅海南雞飯，所以今日就特登黎試吓呢間餐廳係一間泰國餐廳，但係個裝修同埋個外型都幾特別，我都幾鍾意呢種環境，會令我好期待佢嘅嘢食佢呢度有幾款小食，本來我想叫幾份小食嘅，但係後來見到佢有小食拼盤，就諗都唔使諗直接叫小食拼盤算啦佢嘅炸蝦餅都炸得好趣脆，比少少嘅價錢可以食晒咁多款唔同嘅小食真係好滿足黎到呢度冇理由唔識佢嗰個海南雞飯㗎嘛，所以我就叫咗一份嚟食，由於下午茶時間都係做緊特價嘅，咁你見到左上角呢就有個湯啦，呢個係一個冬瓜湯嚟嘅，咁就一啲都唔覺得有味精，中間嗰個就係飯啦雖然顏色唔係好黃但係佢嘅雞油味都係非常之充足嘅，而佢嘅醬汁同出邊嘅海南雞飯嘅醬汁都係差唔多，不過我覺得佢就比出邊嗰啲甜少少咁就好味啲但係小食拼盤係冇米紙卷嘅，我哋唯有另外再叫一個米紙卷啦，呢個係軟殼蟹米紙卷芒果糯米飯都係一樣我好鍾意食嘅嘢，不過係香港唔係好多地方都食到好好食嘅芒果糯米飯，呢度都算係我一個幾鍾意食嘅芒果糯米飯，因為佢嘅糯米飯唔會太過乾身，而芒果都好新鮮，不過如果芒果可以再大塊啲，個滿足感大啲就好啦講到芒果，見到餐牌有個咁靚嘅芒果得飲冇理由唔叫㗎嘛，所以我哋就叫左呢個芒果特飲，係飲芒果沙

如果大家去開或者住開火炭，都知無咩餐廳揀，而且HeaHea地的餐廳食餐飯都6、70蚊起⋯ 知道係火車站附近開左間泰菜，即將同朋友去試試。餐點都係大約70蚊到，同工業區的餐廳差唔多，不過就坐得舒服好多！我好耐無食菜飯了，所以就叫左一份馬來蜜汁炭燒厚切豬排配特色菜飯。豬排唔算好誇張的厚切，不過都唔算薄⋯燒得香口的豬排唔會太乾，加埋清香的菜飯，係完美地Balance。朋友就叫左份緬甸咖喱牛腩。朋友大讚個牛腩入味又夠淋身，我試左一啖又真係唔錯喎⋯ 下次再黎食的時候，我會自己食一餐。如果大家唔想食飯的話，仲可以揀薄餅。薄餅都煎得幾香，而且層次又夠多，點埋咖喱汁真係幾惹味。海南雞可以揀半隻或者一隻，肉質夠嫩，而且肉味都算香。雞肉點埋醬油，味道就會更豐富。餐廳仲有多款小食，今次我們試左軟殻蟹米紙卷，軟殻蟹的粉唔算過厚，加埋米粉、蔬菜，用米紙卷住，口感非常豐富，蔬菜的精新就平衡了軟殻蟹的油膩感。除了泰式奶茶外，大家只要於餐飲加22蚊就可以要呢D特飲。我叫左杯泰珍奶茶，珍珠唔算好多，不過要讚讚個泰式豆奶真係幾香，而且又夠滑。如果覺得飲豆奶會太飽的大家，不仿都可以試下Cool爆鮮芒果沙冰。味道酸酸甜甜勁醒