泰贊- 創意泰餐廳 (已結業)

去完泰國成日心思思想食泰菜, 所以一放假就約埋班朋友去食泰國野~呢間d泰菜都幾特別, 唔係正宗但係玩fusion, 感覺好特別!凱薩沙律配煙三文魚食泰國菜好少可有凱薩沙律食, 呢度既沙律菜都好新鮮爽脆, 重點係舊煙三文魚, 加埋一齊食真係好好味泰式燒豬頸肉豬頸肉燒得岩岩好, d肉好滑, 配埋個泰式醬汁就更加惹味軟殼蟹墨魚汁意大利麵軟殼蟹新鮮炸出黎, 入口仲熱辣辣, 而個墨魚汁意大利麵都唔會煮到太硬或者太淋脆炸蒜辣魷魚圈雖然係炸魷魚圈, 但食落口都唔會覺得好油, 魷魚仲好彈牙, 感覺都唔會好肥