Greyhound Café (PopCorn) (已結業)

呢間餐廳係popcorn都開左一排，一直都好想試， 但就一直都未搵到機會去試。 今次母親節，就決定去呢間餐廳同媽媽慶祝下。我哋首先叫咗個越式米紙卷，， 食落口感紮實，材料非常豐富， 有蝦，豬肉，米粉等等，味道都唔錯。除咗米紙卷之外，呢度嘅pad thai非常之值得推薦。 我哋食叫咗個雞肉炒pad Thai， 食落味道甜甜地咁樣 加埋酸酸咪咪嘅青檸汁 ，簡直係perfect match。飲品方面我就叫咗個泰式凍奶茶，口感非常之滑，甜度適中。你最後仲叫咗個椰子味嘅雪巴做甜品，椰味非常之重，重會食到椰子肉，相當之值得推薦。