Goldfinch (已結業)

第一次黎中環Fine dining法國菜，環境優雅舒服 Kuih Pie Tee: 呢個前菜非常特別，賣相精緻，完全睇得出廚師既心思，呢幾種食材既配搭亦都好新鮮，提子、拖羅粒、高湯同檸檬啫喱，味道清甜，香脆批底增加口感，加埋花朵作點綴Goose: 主菜我揀左橙木煙燻鴨胸，鴨胸肉煮得十分出色，鴨皮焦脆，脂肪入口即融，鴨肉細嫩，透過適當既火候中和左鴨肉既煙韌，另外最驚喜既個炸鴨肉脆球，好好食，底層橙醬酸酸甜甜Beef Short Ribs: 朋友點左牛小排，脂肪瘦肉比例平均，肉質軟稔，廚師用左芥末醬做調味，提升刺激口感，又絕不會嗆口，伴碟則係炸五花肉蕎麥麵，加上蘿蔔絲同香蔥，好味道Strawberry Tart: 滿滿既士多啤利確保甜品為客人既晚餐寫上完美句號，批底厚實唔易碎，好特別係批餡料除左主角士多啤利，廚師仲混合左花生醬落去，無唸過2種食材係咁搭配到，酸味同花生醬味中和左絕不heavy，不得不佩服廚師既精巧Chrysanthemum Pu'er: 中西式既融合正正係呢道甜品體驗到，普洱芝士蛋糕伴菊花薑味雪糕，咁都比廚師唸到真係厲害，平時聽最多係伯爵茶，普洱味道較清反而我好喜歡，夠新意