Solé (已結業)

今日同朋友嚟到megabox行街，行到夜晚就肚仔餓喇，經過見到呢間法國餐廳好似幾靚幾吸引，就入咗去試下喇。環境好優美，週末都坐滿。我哋每人嗌咗個行政套餐，價值由$88-186 包前菜同主菜，都算幾合理。一坐底就送上熱辣辣嘅餐包今日餐湯係南瓜湯，好creamy濃郁。沙律都幾豐富，配上黑醋汁酸酸地好開胃。炭燒牛側腹扒配沙律及香草烤薯條伴芥末籽燒汁（$186）- 牛扒燒到medium啱啱好，肉質嫩滑仲好juicy，腍而入味，一啲韌感都無。配上幼薯條就更好味。低温慢煮伊比利豬鞍扒法式烤菜伴燒汁（$186）- 以低溫慢煮嘅方式令豬鞍扒更入味，估唔到咁厚身，仲好多肉汁，好值得試。法式千層酥（+$25）- 賣相真係好吸睛～咬落去好有層次感，又唔會太甜，配埋無花果、士多啤梨同埋藍莓就更清新。Latte 同 Cappuccino (+$20) - 咖啡都幾濃郁，仲有靚靚拉花。