和牛燒肉一郎 (寶漢大廈) (已結業)

放工又去食燒肉！今次揀咗$298嘅A餐（星期五六日、公眾假期：$348）。包括定量嘅舟.盛合，同埋72款食物任食。比起上次嚟食物款式多咗😆。🥢小舟盛合：牛肉、豬肉、海鮮、蔬菜。樣樣都有啲可以試下，但唔會多到叫唔到下round。雞肉質地爽彈，雞皮燒到超香。豬肉一般油脂會多啲，配泡菜加生菜會冇咁膩。薄炙牛里脊肉脂肪比想像中多，肉質軟嫩到有啲難燒😂。食落令人諗起某店$3xx嘅和牛西冷（只係邊位少條肥膏）。所以我哋食完再叫多幾份😌。普通牛里脊肉反而冇咁好味。另外亦推薦兩色蔥花牛舌。慢慢將牛舌嘅油脂燒出嚟，油香再結合蔥/洋蔥香味，好食過原味牛舌。最後一定要食日本雪糕雪條。今次仲有明治角十棒😍。佢哋最近仲喺荃灣廣場開咗分店，全港總共有四間分店。而家仲有午市套餐。📍和牛燒肉一郎 (寶漢大廈) (銅鑼灣)銅鑼灣波斯富街24-30號寶漢大廈2樓