小曼谷泰國美食 (南角道)

營業中

休息中

經開九龍城好想食泰國菜，勁多選擇😆但我比較專一，食開一間好食，就繼續幫襯👍🏼所以照去番小曼谷！！好早去到未係好多人，所以好快外賣就ready好啦！！仲可以坐係入面等涼住冷氣等👍🏼今日叫咗一隻海南雞 $194果然係招牌菜😚唔貴呀勁大隻！大隻到要分開2個盒先裝得哂😆好正！外皮超黃油又好肥美！啲雞肉啱啱好熟，好嫩滑，重點連雞胸都好嫩！入面啲骨仲係少少紅㗎！煮嘅時間啱哂😍見到已經流哂口水！！每盒都有啲菜拌碟🫶🏻健康哂！我哋再點咗個油飯share黎食😆足足係一個飯盒咁多！好抵食！食落唔算好油，仲要有啲香料，增加香味！個飯最後都食唔哂😆留起明天繼續！就算係屋企都好似都食到正宗嘅海南雞🥹🥹感動🥹🥹