川之源

營業中

休息中

朋友有曾經介紹過呢間四川菜嘅餐廳，話好好味，所以就嚟咗食，一開門入鋪頭好香四川菜嘅味道，即係辣味囉，不過如果唔食辣嘅你都唔使怕個喎，因為佢哋都有唔辣嘅四川菜俾你選擇，而我就揀咗水煮魚，夫妻肺片，仲有個泡椒炒辣雞，先講咗個夫妻肺片先啦，細細碟份量唔大，啱晒開胃去食，因為酸酸麻麻辣辣嘅味道令到你超級開胃，之後個水煮魚你都又係好香麻辣味，啲魚滑到不得了，冇骨嘅，問咗老闆娘就話啲魚係用龍利柳去製作，所以係非常之滑，而魚肉搭配佢哋調製出嚟嘅麻辣湯底係非常之咁惹味，依個水煮魚除咗有魚肉之外，亦都有好多芽菜，同埋一條條扁嘅番薯粉，啲番薯粉煙煙銀銀，好有咬口，最後係個泡椒炒辣雞，一嚟到嘅時候我望到個樣以為冇咩特別，點知一食第一啖就要即刻叫老闆娘比碗飯我送，點解？因為呢個炒辣雞更加開胃，所以配飯去送係非常之咁好味，味道酸酸辣辣，好開胃，當中佢除咗有雞肉粒之外，仲有青椒紅椒同埋西芹粒，呢一款餸可以令到我追飯食，所以又叫咗老闆娘添多碗白飯俾我，食完晒之後估唔到仲有甜品喎，就係四川好出名嘅冰粉呀，解辣真係一流㗎，而桂花味香香甜甜加上凍冰冰嘅冰粉真係解渴又解辣，真係值得推介呀，下次一定要再嚟食。