296
12
8
開飯介紹
主打川菜，菜式辣度有辣有不辣，同時亦有素食提供，照顧不同人士需要。推介酸菜桂花魚及川式回鍋肉。
繼續閱讀
營業時間
今日營業
11:30 - 15:00
18:00 - 22:00
星期一至日
11:30 - 15:00
18:00 - 22:00
以上資料只供參考, 請與餐廳確認詳情
有關獎賞計劃
招牌菜
食家推介
《川之源 - 西營盤》次次喺港島區飲完野後🤭個人都會特別肚餓架呢，朋友提議食啲辣野醒一醒酒😅點知轉個路口就已經搵到一間食川菜既餐廳😎入面好多外國人🤣乜原來大家都咁食得辣架😝朋友自來熟好快就同老闆細妹打成一片🥸人地學介紹左我地試餐廳較受歡迎既菜式💁🏻♀️酸辣土豆絲 $78開胃菜我地揀左酸酸尾尾既酸辣土豆絲，切得幼細不過口感爽脆，好似食麵咁一株株爬入口其實都幾爽☺️雖然我地叫左小辣，但其實一啲都唔辣😅唔食得辣既人都一定食得到💁🏻♀️水煮魚 $218水煮魚我地叫左小辣姐，飲左酒廢事食太辣啦😝魚肉無骨易入口，口味偏濃，送白飯應該會好正呢🤭不過個魚底下有寛粉，超級嗦湯而且口感煙煙韌韌🥰好好味呢，而個湯底入面仲都大量芽菜同木耳，麻香味十足💁🏻♀️黃金饅頭 $58食左兩道辣既菜式，食番個甜甜口味既菜式先得😉成日都食紅糖糍粑，今次就轉個口味食炸饅頭🥰表皮微微香脆但入面軟綿綿熱辣辣，點埋香甜既煉奶後口感十分豐富😊食三件都完全無問題呢
繼續閱讀
住西營盤但一直都冇機會光顧「川之源」。適逢屋企人喜愛食川菜，於是帶埋屋企人試吓啲間地道川菜風味👍🏻 店舖不大座位唔算多，整個格局十足十地道嘅川菜店👍🏻 酸菜桂花魚 $278（+$20 轉闊薯粉）大大嘅一盤酸菜魚熱辣辣望到都流晒口水🤤同出面嘅老壇酸菜魚唔同，佢唔會有萵筍、芽菜等配菜，亦冇落花椒。魚塊冇沾上蛋白食到原汁原味。整體相對地冇咁油膩，正宗川菜魚！酸辣味道做得幾平衡。桂花魚仲會俾埋魚頭魚鰭，一啲都唔浪費！干煸四季豆 $98食川菜一定唔少得干煸四季豆，炒得幾香幾乾身唔會好油膩。重慶口水雞 $88唔算好辣，好有地道口水雞風味👍🏻紅油抄手 $88餡料豬肉幾鮮甜，餡皮幾煙靭黃金饅頭（6件）$58熱辣辣炸起，外脆內軟，加埋煉奶一齊食，非常好味，最鍾意食啲道菜😅桂花冰粉食飽飽仲會送上甜品（免費架！）冰粉口感好似寒天，夠冰凍加埋糖水好滿足。總結：地道嘅川菜小店，價錢稍為貴少少，不過各道菜嘅質素都好平均，味道符合預期，推介炸饅頭👍🏻
繼續閱讀
今日黎左呢間西營盤既川之源食午餐，呢度既四川菜係有辣有唔辣，適合好辣同唔好辣既人士一齊黎食飯。午市單人套餐有十三款餸揀，價錢$75或者$78，包白飯一碗，同汽水或者桂花冰粉。跟餐可以加錢要小食，又可以加錢升級餐飲，如豆漿同酸梅湯。午市無加一服務費。紅燒牛肉 $78呢道紅燒牛肉熱辣辣上枱。有十舊牛肉左右，唔細舊，質感夠腍，連筋好食。我哋叫左BB辣，辣度惹味，其他配料仲有腍腍薯仔同幾片辣椒。糖醋里脊 $78糖醋里脊個汁甜甜酸酸好開胃，食到醋味。炸皮唔粉又唔算太厚，啖啖肉，食落又爽又脆唔覺肥。最後撒上葱花。酸豆角炒肉碎 $78酸豆角炒肉碎有好多豆角粒，加上少量肉碎，辣椒，蔥，蒜，同花椒一齊炒，食落酸酸麻麻辣辣。白飯 (跟餐) 白飯一大碗，夠食飽。桂花冰粉 (跟餐) 桂花冰粉係桂花糖水配川式啫哩。冰粉好滑，個糖水少甜好清甜，帶微微桂花香，解辣正！大和豆漿 跟餐加$4 凍大和豆漿一大支，味道少甜，豆味唔假。 茶水係玄米茶，居然唔收茶錢。總括而言，午餐非常經濟。
繼續閱讀
這裡有著不少種類的午餐，最初以為全部都會好辣，幸好，套餐都有一些不太辣的選擇。這一天，我和友人點了兩款，分別是「糖醋里脊」及「紅燒牛肉」（少辣）。糖醋里脊酸酸甜甜，我覺得好食！而且肉質都算不錯，份量也正常！ok!至於個「紅燒牛肉」，配有薯仔，不過，我自己便覺得個薯仔有點太爽口，不夠粉，還是不夠熟？我都不太肯定。不過，我自己便會比較偏好較粉會好食一點，因此對個薯仔便有點兒失望。不過，主角是「牛肉」，粒粒都厚身，而且都很滑及夠「林」，都入味，好食😋！套餐配以「類似啫喱狀的甜品」，我自己沒食，我改了要汽水。但友人聲稱個甜點是好食的。由於，我沒食過，我便很難評價。整個午餐，所以食物我們都吃光！一點也沒有浪費！😝
繼續閱讀
我同兩個朋友lunch嗌咗個二人餐，再加一個單人SET，搭埋炸饅頭，最後飽到食唔晒✨二人餐lunch set A-口水雞: 唔算好特別，雞唔係好滑，汁都唔算香，算係咁多個小菜比較失色嘅一款-水煮魚片: 好好食！啲魚塊好滑，重點係唔腥！！同埋份量好夠，好足料-酸辣土豆絲: 呢個都係食得好回味，土豆絲好爽口！-螞蟻上樹: 呢個係跟佢招牌，估唔到咁好食，唔太食得辣嘅朋友表示仲辣過個水煮魚，我就覺得非常之惹味！個汁係重點！-炸饅頭: 應該係咁多樣嘢，最值得推介！雖然炸饅頭好common，周圍都係，但係佢真係做到外脆內軟67分，口感勁好，食落口覺得好幸福！
繼續閱讀
您可能會有興趣的...