173
6
2
港鐵西營盤站 C 出口, 步行約3分鐘 繼續閱讀
電話號碼
25203222
開飯介紹
主打川菜,菜式辣度有辣有不辣,同時亦有素食提供,照顧不同人士需要。推介酸菜桂花魚及川式回鍋肉。 繼續閱讀
營業時間
今日營業
11:30 - 15:00
18:00 - 22:00
星期一至日
11:30 - 15:00
18:00 - 22:00
付款方式
Visa Master AlipayHK 現金 AE 微信支付
座位數目
50
其他資料
網上訂座
酒精飲品
泊車
電話訂座
賞訂座積分
加一服務費
獨家網上訂座
有關獎賞計劃
食評 (195)
約西環友食飯,佢話無咩胃口,於是提議食辣嘢開下胃,鍾意食辣嘅我當然舉手贊成。叫得川之源,當然係以四川菜作招徠,不過餐牌都有「唔辣」系列,所以都可以叫唔食得辣嘅朋友一齊去。本身以為周末會只有單點,但原來有個假日二人套餐($288)立即點一個開心share!套餐就特色前菜、招牌菜、熱菜各選一個,再送兩碗白飯及兩碗冰粉。最特別係菜式可以揀辣度,有BB辣、小辣、中辣及大辣,今次試小辣,有機會要試中辣!水煮魚片 紅噹噹嘅顏色已經好吸引,舖面果層辣油真係令人流哂口水,撈一撈都發現有好多塊魚片,唔會坊間有啲食幾片就無,魚片都好滑。仲有其他芽菜、寬粉,寬粉索盡辣油精華,超正! 酸辣青瓜酸辣兼備,又唔會有死鹹,青瓜爽脆,真係愈食愈開胃!手撕包菜以為佢唔辣,少年你太年輕了!佢除咗少許辣之外,仲加咗花椒,增加咗麻嘅口感,而菜都好清甜。桂花冰粉作為這一餐嘅句號,這款甜品真的滿分。冰涼嘅凍感加上桂花嘅清香,一掃整頓嘅辣味,好舒服,如果唔係太飽真係會叫多碗食。雖然二人餐得幾款菜式,但我哋兩個人食已經飽到捧住個肚走,環境都乾淨企理,雖然做川菜但入去都唔會好大陣味。另外佢哋每檯都會有一壺茶,雖則免費但都幾清香。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-30
450 瀏覽
大約幾個月前第一次黎呢間西營盤既川之源,呢度既四川菜特別寫明係有辣有唔辣,適合好辣同唔好辣既同行友人一齊黎。今日工作天黎食午餐,平日午餐時段全滿,等左十分鐘先有位。午市有兩款二人套餐,每款包涼菜,招牌,熱菜各一,配白飯,汽水或桂花冰粉,收$248免加一。餐牌寫明邊個菜係辣或者素食。上次試過套餐A既番茄無骨魚片,今次試下套餐B先。要左四川涼面,酸菜嫩牛肉同糖醋里脊。四川涼面麵條係白色幼麵,叫左BB辣。麵條唔會一patpat,個汁對我黎講算係小辣,酸酸辣辣咁,再加埋d酸菜蓉同大量蔥花,幾好味道。酸菜嫩牛肉酸菜嫩牛肉一大兜,牛肉片份量幾多,真係幾嫩滑同有牛味。叫左BB辣,不過湯底都幾辣,重胡椒味。其他配料有酸菜,粉絲,蒜片同蔥花。個人覺得叫呢個酸菜嫩牛肉抵食過番茄無骨魚片。糖醋里脊糖醋里脊好正!里脊份量都幾多,唔肥,都算脆口,個汁甜甜酸酸好開胃。白飯白飯成座山。桂花冰粉汽水或桂花冰粉,當然要桂花冰粉啦!冰粉很滑,完全唔甜,有淡淡既桂花味,食完個辣嘴無咁辛苦。個二人餐都幾多野食,每人除返$124都算係咁。服務效率好高,適合返工人士食午餐。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-14
412 瀏覽
今日想食啲辣辣地嘅嘢, 走咗去西營盤食呢間川之源估唔到星期六日都有午市套餐除咗一款自選菜式外, 套餐仲有包一碗白飯同桂花冰粉仲可以以優惠價加配小食同飲品<川式回鍋肉>大食妹就嗌咗份川式回鍋肉回鍋肉非常肥美, 肉質爽口, 味道鹹鹹地, 送飯一流<糖醋里脊>朋友就嗌咗份糖醋里脊味道酸酸甜甜, 糖醋里脊應該係即炸嘅, 雖然外面包裹着糖醋醬汁, 但依然食得出脆脆地嘅口感<蒜泥青瓜>因為見小食都好似好抵, 大食妹同朋友就一人嗌咗一份小食蒜泥青瓜分量幾多青瓜口感清脆, 如果蒜泥可以多番少少就更好啦<手工餃子>手工餃子都相當唔錯, 皮薄餡靚, 半肉半菜<白飯>米飯都壓到實一實, 絕對真材實料<桂花冰粉>最後嘅桂花冰粉真係好好食冰粉甜甜地, 帶有陣陣嘅桂花清香<康師傅酸梅湯>最後飲番支康師傅酸梅湯, 就更加完美啦 繼續閱讀
(以上食評乃用戶個人意見 , 並不代表OpenRice之觀點。)
同友人煩緊lunch食咩好兩個人同時大叫:麻辣嘢!! 即刻打開OpenRice見到西環地鐵站附近有一間價錢相宜嘅川菜店!西營盤站行幾分鐘就到年巿人套餐啱晒我哋! $248,午市仲要免加一!見到都興奮嘅一餐!水煮魚片基本上係我哋食四川野必叫嘅一個主食辣度剛好!我哋覺得再多啲麻都可以!魚柳好滑啖啖肉!而且食到尾都仲有魚 唔係剩係得面頭嗰幾塊~點少得寬粉吸晒麻辣湯底嘅精華~真心食到lam lam脷酸辣土豆絲呢一款絕對係我私心鍾意食嘅一款涼拌菜雖然見佢放咗好多辣椒~但其實一啲都唔辣唔好俾佢個樣呃咗!酸酸maymay 用嚟送水煮魚或者辣野啱晒重慶口水雞二人餐來講 呢個份量嘅口水雞絕對係唔話得!不過始終係雞件 食落一定唔會係雞髀無骨嫩滑嘅口感~ 但調味來講我覺得夠晒惹味買單嘅時候發現舖頭準備咗招牌嘅秘製辣椒油 鍾意佢哋口味嘅不妨買一個返屋企! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-08
496 瀏覽
川菜是中國菜中的四大菜系之一,亦是香港非常流行的美食之一,足跡遍佈港九新界。我是經常的捧場客,一個月都會吃一次,真是無辣不歡。今日下午去沙灣徑看日落,就在西營盤附近吃午餐。位置:雖離地鐵站近,但不顯眼,需下樓梯或電梯,正位於電梯旁。環境:相當寬敞,紅色牆配小燈籠,裝潢簡單。午餐:我和妹妹一人一個午餐,因為大家各自都有想吃的食物。糖醋里脊$78配白飯一碗這是妹妹選擇的菜,里脊和配菜都切粒,是用來撈飯吃,里脊粒口感鬆脆,糖醋汁酸酸甜甜,十分開胃!紅燒牛肉$78配白飯一碗牛肉切塊,口感軟嫩,再配青紅椒辣炒,辣得很過癮,值得一提是青紅椒未完任去籽,所以我未敢於吃,但用來炒肉的味道是一流的。酸辣青瓜$28這款小食的辣度真是一流,又辣又香,我妹都忍不住買了一樽辣椒醬回家。紅糖糍粑$58這款糍粑味道一般,雖然形狀較大,但口感較黏牙,仍可見到內部的糯米粒,打得不均勻。桂花冰粉(套餐送)冰粉入口清涼,口感順滑,甜度剛好,用來解辣一流。 繼續閱讀
(以上食評乃用戶個人意見 , 並不代表OpenRice之觀點。)