影片
更多
2017-01-09
489 瀏覽
靜食客們默默，眼前既食物亦不作響。隔離兩個細細粒勉強吞下幾個炸香芋丸，以自拍化解今次失利的尷尬。左邊兩公婆，老公啱啱轟下佢第五罐ICE啤酒，老婆眼中藏住一團怒火。面前嗰張檯一家六口，冇一人動筷，其中個𡃁仔慢慢企起身。我見他低垂着頭，見不到雙眼，深深嘆左一口氣，緩緩轉身走開。一切皆因： 伏時間遲了，來客卻越來越多。我眼帶同情與憂傷 望住個d笑住入黎既善男信女。同情因為善良的佢地仍不知自己銀包裡的二百將會係佢地洗得最痛苦的二百。憂傷係因為他們心中對呢個世界所剩無幾的期待與希望 又將因呢間食肆而減少，而更加支離破碎。不振的甜蝦在冰水裡慢慢下沈。雪糕口感既三文魚似乎已在冰凍中沈睡左幾個世紀 啱啱被喚醒。頑強的牛扒同羊鞍仍做著最後的抵抗，不願俾人咬開。再多的砂糖都掩飾不住梅酒的愁緒。揚物中獨一無二的麥樂雞以它的英文名Mai Le Chicken展示政府三文兩語的成功。燒蠔因為恐懼而縮埋一舊，蠔肉混合著蠔殼，證明自己尚存一絲堅強。食客們眉頭緊鎖，忍住淚水，奢求包裝雪糕可以為佢地驅散不快。得幾個飽經滄桑的阿叔，因著任飲的酒精作用，尚且笑得出。成間餐廳瀰漫著一種社會的無奈同宿命的悲哀。買單行出去既時候
食客們默默，眼前既食物亦不作響。
隔離兩個細細粒勉強吞下幾個炸香芋丸，以自拍化解今次失利的尷尬。
左邊兩公婆，老公啱啱轟下佢第五罐ICE啤酒，老婆眼中藏住一團怒火。
面前嗰張檯一家六口，冇一人動筷，其中個𡃁仔慢慢企起身。我見他低垂着頭，見不到雙眼，深深嘆左一口氣，緩緩轉身走開。
一切皆因： 伏
時間遲了，來客卻越來越多。
我眼帶同情與憂傷 望住個d笑住入黎既善男信女。
同情因為善良的佢地仍不知自己銀包裡的二百將會係佢地洗得最痛苦的二百。
憂傷係因為他們心中對呢個世界所剩無幾的期待與希望 又將因呢間食肆而減少，而更加支離破碎。
不振的甜蝦在冰水裡慢慢下沈。
雪糕口感既三文魚似乎已在冰凍中沈睡左幾個世紀 啱啱被喚醒。
頑強的牛扒同羊鞍仍做著最後的抵抗，不願俾人咬開。
再多的砂糖都掩飾不住梅酒的愁緒。
揚物中獨一無二的麥樂雞以它的英文名Mai Le Chicken展示政府三文兩語的成功。
燒蠔因為恐懼而縮埋一舊，蠔肉混合著蠔殼，證明自己尚存一絲堅強。
食客們眉頭緊鎖，忍住淚水，奢求包裝雪糕可以為佢地驅散不快。得幾個飽經滄桑的阿叔，因著任飲的酒精作用，尚且笑得出。
成間餐廳瀰漫著一種社會的無奈同宿命的悲哀。買單行出去既時候，不知收銀的幾個姐姐探討著什麼，其中一個講左句：係囉，唔知幾時就死左。
係呢，真係唔知呢。
張貼