牛牛日式火鍋放題 (海之戀商場) (已結業)

之前行開donki 無意中發現有開火鍋放題店，男朋友又話呢排想打邊爐，同佢講完就一齊去左呢到食。我地一早上網睇過個價錢，都係中規中矩300幾蚊，但評價都好多好評😛點知一坐低望一望又真係好多野揀🤩行到自助區見到有大板燒，忍唔住拎左嚟食，太耐冇去日本緊係要食下啲小食。湯底就揀左極之鰹魚鍋同膠原豬骨鍋，兩款都係唔辣，但味道都唔錯。跟住有好多麵食添，唔洗怕唔飽，公仔麵、米粉、米線、烏冬都有齊，我最鍾意食口感滑溜嘅烏冬💓肉類推介丹麥豚腩肉肉質軟嫩，超入味。丹麥王樣牛小排油花平均，牛味香濃。極上牛舌爽口超嚼勁。