福岡漢堡扒 (厚福街) (已結業)

網上成日都見到呢間嘅宣傳，出開尖沙咀，今次終於去試，又可以食和牛漢堡扒，又可以自己DIY燒，燒完都會特別好味~🔥 二人套餐 $366餐廳有幾款二人套餐選擇，款式我哋揀咗菠蘿煙肉和牛漢堡扒同芝士蛋蒜和牛漢堡扒，套餐配芝士泡豚丼飯同罐裝飲品兩罐，如果特飲就另外加錢。一嚟到已經好香，餐廳有吸煙機比食客對住漢堡扒燒，減少酒煙味，店員亦會定時換石，用鏟放肉喺燒石上面，好快就熟，燒好嘅肉好香口、配上甜燒汁同鹽，再配上香蒜煎蛋，口感非常豐富。而菠蘿煙肉味道香香咸咸，配上和牛漢堡扒食，味道亦非常新奇。芝士泡豚丼飯份量都大碗，每人都可以分到兩碗飯，份量絕對夠食，但略嫌食到底有啲太油，但整體味道都唔錯。特飲都真係好大杯，但冇杯柄真係唔係太方便，但整體味道都幾好飲、幾解渴。