Sophia Loren Pizzeria

營業中

休息中

鍾意試新餐廳，所以成日都會上OpenRice睇吓有咩好食。見到呢間餐廳大比數好評，而且裝修好特別，所以就同朋友去試吓。首先嗰度樓底高，本來空間感大應該係優勢，但鋪面太細門口又大，開晒冷氣旁邊有埋風機，坐咗一陣都覺得完全唔涼，一路出緊汗。而家啲天氣未係好熱都已經咁，夏天唔知點算。唔講食物，淨係呢樣嘢都令我卻步。跟住睇Menu，知道呢度主打食pizza，唔期望會有好多其他選擇，但肉類連最普通嘅牛都冇，唯有失望地叫雞扒 。本身見佢係炸雞扒其實都唔會好大期望，嚟到塊雞扒仲要紙咁薄，食落有啲柴，真係覺得茶餐廳仲好食過佢……除咗雞扒，另外嗌咗啲pizza沙律同埋意粉，前兩者正常，但個卡邦尼意粉咸到不得了 。食咗咁多唔同餐廳嘅卡邦尼，從未如此咸過🤢，仲要份量好細 。總括嚟講，呢個價錢完全唔值。餐廳環境係好重要，但如果只有外表吸引，打卡一次就唔會回頭，食物質素其實先至係真正留住客人之道 。