Green Orange

Green Orange係一間意大利餐廳，一上到去環境幾decent叫咗兩個lunch set，前菜包麵包、湯同沙律。今日嘅湯係嘅黑松露濃湯，濃郁香濃，令人回味無窮，又唔會過多調味唔太咸，好食得出松露嘅香味。接住嚟嘅第一個主菜香煎盲曹柳伴君度橙酒沙巴翁，味道鮮美，香脆多汁，肉質彈牙，再配上橙酒沙巴翁，口感更加豐富。然後，我地品嚐咗慢煮北海道帶子配芝士檸檬忌廉汁意大利飯。帶子經過慢煮，保留住鮮美嘅口感，再加上芝士檸檬忌廉汁，帶出意想不到嘅風味組合，真係驚艷，而且份量都唔少。如果出開上環想食一個decent嘅lunch，green orange 都係一個好好嘅選擇。