影片
更多
2005-09-01
12 瀏覽
honey 生日, 上黎openrice, 用"浪漫" 黎search, 見到呢間餐廳介紹, 最吸引我既就係佢既朱古力屋~~再睇勻全部食評, 連KC 兄都比滿分...wow...一定要黎, 我前兩日先book 檯, 順便訂埋個朱古力屋仔~尋晚到喇~ honey 見我入半島都嚇一跳, 話我做咩去咁貴既地方~ 哈..你生日喎~~!! 環境好正, 真係好似去左歐洲小屋餐廳咁~部長好有禮貌~ 叫左個雜果賓治~ 奉送一籃麵包, 好好食...佢有三款, 一款係提子方包, 一款係餐包, 硬皮, 上面有d 粉, 仲有一個係我最鍾意既, 佢裡面好軟, 外皮脆脆地, 不過唔算硬, 上面仲撒左幾粒鹽, 好好..好好食! 好煙"un"~~叫左三個菜, 部長問趕唔趕, 唔趕就一牒一牒上, 梗唔趕啦, 比咁多$$黎食..哈哈..頭盤係煎鵝肝, 佢配左無花果同蘋果容, 好香好滑, 少少焦令鵝肝更香口..雖然唔係好大塊, 不過已經好滿足, 下一味係大家推薦既新薯芝士..未上檯我已經聞到一陣臭味, 我仲同honey 講呢度D 地毯唔多乾淨, 臭臭地, 哈..honey 話"似係你D芝士喎.." =__=" 係喎..真係
頭盤係煎鵝肝, 佢配左無花果同蘋果容, 好香好滑, 少少焦令鵝肝更香口..雖然唔係好大塊, 不過已經好滿足,
下一味係大家推薦既新薯芝士..未上檯我已經聞到一陣臭味, 我仲同honey 講呢度D 地毯唔多乾淨, 臭臭地, 哈..honey 話"似係你D芝士喎.." =__=" 係喎..真係鄉下佬出城~~一上牒最好立即食, 襯芝士仲軟身, 一粒新薯鋪一大片芝士..熱辣辣, 臭臭的芝士味..未試過咁食芝士法..好正!! 好香~~佢仲有一牒酸瓜拼盤, 芝士漏漏地可以食粒酸瓜中和下..good~~不過呢味菜真係好濃芝士味, 睇你受唔受到喇~~
頭盤黎啦! 紅酒牛尾, 有五大舊, 紅酒味唔算好濃, 剛剛好, 牛尾煮得好入味, 好"林"..我地兩個share 都剛剛好, 本來想叫埋羊架, 不過部長話已經夠食, 哈, 唯有下次再黎試過~~
之後我地太懷念芝士喇, 所以加多幾十蚊再refill 芝士食, 最後我地refill 多兩次, 今次真係好好好飽啦!! 哈~ 當然, 最後就出屋仔啦!! 整得好靚~~之後就"拆屋" 開始食, 屋入面有一球雲尼拿雪糕球, honey 話睇得出係自家制既雪糕~~ 唔會好甜, 仲有朱古力醬可以加...滿足....
所有野食完, 仲有一小牒糖果, 有薑餅, 甜乾橙朱古力片, 同朱古力..飽飽飽~~!!!
賣單九百幾, 服務環境食物一流, 講真, 我情願黎呢度都好過俾差不多價錢去食自助餐, 只少呢度有人serve, 一定會再黎, 不過叫多幾個人, 可以試多幾味菜!! 強烈推薦, 一生起碼豪一次...就呢度啦!! Moreover..Happy Birthday ar ~~ my little pig pig ^3^
張貼