越南Fûhn (已結業)

今次去左舊屋嗰頭執野，見到街市開左新餐廳，Fuhn Express 環境乾淨企理，店員都好親切有禮，主動介紹有咩好食。店員介紹我地食火車頭河，裏面有4款配料包括牛腩，牛丸，牛栢葉同肥牛！仲提我地碗麵幾大碗，兩個人可以share 一齊食！餐廳好nice俾左d咖喱汁我哋試，話比我地點牛腩食，多種食法。啲牛腩真係超正，好腍牛肉又香。我哋仲叫左蝦餅同牛油雞翼！蝦餅真係要嗌，佢個蝦餅勁足料有勁多蝦，好彈牙。因為之前去越南時無機會試滴流咖啡，咁岩呢度俾我見到有就一於試下啦！咖啡好香好濃，好岩我口味！遲啲返黎再幫襯下先。