米走雞 (太子藍馬之城)

營業中

休息中

一大班朋友都係極度鍾意食辣的關係，當然湯底都係要叫辣的！四川麻辣湯就是最好的選擇，未加食物之前飲咗一啖都算係麻辣的，麻味會相對重過辣味！個人對牛肉沒有太大的興趣，就唔多介紹了。反而個人鍾意食豬頸肉，肥肉的部份唔算好多，而且都幾腍吓配醬汁食好正！第一次打邊爐叫紫菜，朋友話打邊爐浸上紫菜係超級好食的！第一次嘗試真係幾特別的，紫菜可以融入到湯底，就好似響鈴咁吸晒湯底的精華。另一個又可以吸晒湯底的精華就是腐竹，個人係鍾意食煮耐啲嘅腐竹，又淋又吸到湯底的辣味，爽！最後，小食叫咗一個酸辣無骨鳳爪，冇骨嘅鳳爪就是啖啖肉，再配上酸辣醬汁真係超級開胃，食唔停口！