影片
更多
2017-04-22
4060 瀏覽
加入就去元朗行吓山，然後就到市中心去覓食！係openrice睇一睇，原來有一間磯燒水產放題新開左響市中心！第一次見到原來磯燒都有放題， 午餐時段仲要只係百幾蚊！我哋一行六人二話不說即刻去食！入面座位數目好多！就算唔係沙發位啲櫈都好舒服！兩小時任食絕對唔使辛苦。呢度食物好多選擇，熟食、海鮮、串燒、蔬菜、主菜、甜品、生果全部都有！響燒海鮮嗰張紙仲好細心咁教我地烹調嘅方法同技巧！真係煮食白癡都可以燒得一手好海鮮！午餐時間店員首先會依據人數送上海鮮拼盤！我哋六個人原來已經份量有咁多！呢度竟然仲有甲羅燒！甲羅燒係用蟹肉、蟹膏、奄春蛋、蔥製成。食落又香又滑，蟹味十足。燒大蝦真係好大隻，張紙上面交每篇燒兩分半鐘就可以食。果然兩分半鐘就好似左手邊個三隻一樣金黃又脆！又唔會太老太鞋。松葉蟹肩肉雖然唔多，但係好甜！記得唔好燒得太耐，如果唔係就會太乾。燒蠔好creamy, size剛好, 清酒煮蜆鮮甜， 酒味香。除咗燒海鮮之外，呢度嘅蔬菜我都好滿意！燒日本番薯好甜， 薯味十足！一口一粒剛剛好！燒菠蘿超多汁，而且亦都好甜！朋友有食壽司但我冇食， 佢話質素都幾好！尤其係芥辣八爪魚，好明顯係即叫即，外層製紫菜仲係
入面座位數目好多！就算唔係沙發位啲櫈都好舒服！兩小時任食絕對唔使辛苦。
呢度食物好多選擇，熟食、海鮮、串燒、蔬菜、主菜、甜品、生果全部都有！響燒海鮮嗰張紙仲好細心咁教我地烹調嘅方法同技巧！真係煮食白癡都可以燒得一手好海鮮！
午餐時間店員首先會依據人數送上海鮮拼盤！我哋六個人原來已經份量有咁多！呢度竟然仲有甲羅燒！
甲羅燒係用蟹肉、蟹膏、奄春蛋、蔥製成。食落又香又滑，蟹味十足。
燒大蝦真係好大隻，張紙上面交每篇燒兩分半鐘就可以食。果然兩分半鐘就好似左手邊個三隻一樣金黃又脆！又唔會太老太鞋。
松葉蟹肩肉雖然唔多，但係好甜！記得唔好燒得太耐，如果唔係就會太乾。
燒蠔好creamy, size剛好, 清酒煮蜆鮮甜， 酒味香。
除咗燒海鮮之外，呢度嘅蔬菜我都好滿意！燒日本番薯好甜， 薯味十足！一口一粒剛剛好！燒菠蘿超多汁，而且亦都好甜！
朋友有食壽司但我冇食， 佢話質素都幾好！尤其係芥辣八爪魚，好明顯係即叫即，外層製紫菜仲係脆嘅！
甜品選擇亦都有好多，蛋糕、木糠布甸、泡芙、水果、仲有雪糕雪條！因為煮食我已經食得太飽，但我都被個藍莓雪糕球吸引！響出邊未見過！一打開原來整個都係雪糕球。我就用木筷子插住黎食。藍莓味都好香， 質素中上。
呢度嘅飲品亦都係任飲，連蘋果酒同啤酒都有！自助形式。 店員仲不停幫個雪櫃refill!!
呢度嘅店員好好，有個女職員仲好nice, 笑容可恭！響冇乜客嘅時候佢唔會匿埋一邊偷懶，主動幫我地燒！食物質素不錯，店員又好，午餐只係百幾蚊一位真係超值！張貼
