影片
更多
2022-05-25
31 瀏覽
元朗不嬲都有好多野食，今日見呢間日本菜好多人食就試吓啦🤤一入到嚟就比個好大隻嘅iron man figure吸引住🤣🤣我哋兩個人嗌咗好多野食，首先有三文魚同油甘魚刺身 (各3件)。兩樣都好厚又好新鮮，都食到魚鮮味。之後忍唔住嗌多碟油甘魚同帶子，都係好好食😋吉列炸蠔有4粒，兩個都share啱啱好。粒蠔唔係淨係得粉而係有好大粒蠔架！好抵食！前菜有沙律，都正正常常幾新鮮，番茄啲汁爆出嚟🤣我哋嗌咗兩個拉麵。一個係芝士濃湯叉燒拉麵🤤個湯底好好飲！辣辣地咁，有好多芝士，啲芝士加埋拉麵一齊食口感好好。叉燒有兩大塊，都整得唔錯。麵都唔算粗同夠淋，份量都啱啱好，呢個值得推介！另外仲嗌咗特濃豚骨湯豬軟骨拉麵。湯底其實都唔係好濃味，啱啲唔鍾意好重味嘅人食🤣不過都幾好食，豬軟骨好大舊又有咬口，仲有粒溏心蛋嘅蛋汁會流出嚟架😍野飲好邪惡！係3.6牛乳雪糕紅豆奶茶，雪糕外面仲有層朱古力脆皮包住，啲紅豆都幾多又大粒，奶茶味唔係好重但加埋雪糕就好好飲！另外一杯芝士奶蓋茶我就無試，不過朋友話好飲，唔會好滯，奶蓋好smooth。估唔到呢間餐廳嘅性價比咁高，大家嚟到一定要試下嗰芝士濃湯同埋厚切刺身😍
元朗不嬲都有好多野食，今日見呢間日本菜好多人食就試吓啦🤤
一入到嚟就比個好大隻嘅iron man figure吸引住🤣🤣我哋兩個人嗌咗好多野食，首先有三文魚同油甘魚刺身 (各3件)。兩樣都好厚又好新鮮，都食到魚鮮味。之後忍唔住嗌多碟油甘魚同帶子，都係好好食😋
吉列炸蠔有4粒，兩個都share啱啱好。粒蠔唔係淨係得粉而係有好大粒蠔架！好抵食！
前菜有沙律，都正正常常幾新鮮，番茄啲汁爆出嚟🤣我哋嗌咗兩個拉麵。一個係芝士濃湯叉燒拉麵🤤個湯底好好飲！辣辣地咁，有好多芝士，啲芝士加埋拉麵一齊食口感好好。叉燒有兩大塊，都整得唔錯。麵都唔算粗同夠淋，份量都啱啱好，呢個值得推介！
另外仲嗌咗特濃豚骨湯豬軟骨拉麵。湯底其實都唔係好濃味，啱啲唔鍾意好重味嘅人食🤣不過都幾好食，豬軟骨好大舊又有咬口，仲有粒溏心蛋嘅蛋汁會流出嚟架😍
野飲好邪惡！係3.6牛乳雪糕紅豆奶茶，雪糕外面仲有層朱古力脆皮包住，啲紅豆都幾多又大粒，奶茶味唔係好重但加埋雪糕就好好飲！另外一杯芝士奶蓋茶我就無試，不過朋友話好飲，唔會好滯，奶蓋好smooth。
估唔到呢間餐廳嘅性價比咁高，大家嚟到一定要試下嗰芝士濃湯同埋厚切刺身😍
張貼
