野川拉麵の深燒食堂

營業中

休息中

元朗出名多嘢食，除咗地道嘅大排檔同港式小食，仲有唔少高質小店！鍾意食日本嘢嘅我哋就嚟到元朗一間區內名店，主打日式本菜嘅野川拉麵の深燒食堂。野川拉麵の深燒食堂選材新鮮，多款新鮮刺身、壽司、串燒、壽喜燒等，食材處理細緻，味道同價錢都好有驚喜，非常滿足。六品刺身盛合一份刺身盛合有齊三文魚、油甘魚、帶子、甘蝦、北寄貝，新鮮鮮甜之外，每款都有3件，份量十足！至於盛合陣容仲有半板海膽，鮮甜回甘，性價比超高！活赤貝刺身活赤貝絕對係今日之最！活赤貝非常新鮮，口感厚實彈牙，點上豉油同芥末，令活赤背嘅鮮甜味更為突出，真係想瘋狂encore！壽司食完刺身盛合，仲想encore，一於叫多幾件壽司啦！厚切嘅油甘魚壽司，帶有啖啖嘅油脂香同魚生嘅鮮甜味；北寄貝壽司嘅甜味比油甘魚更勝一籌，至於厚薄度啱啱好，更突顯北寄貝嘅彈牙口感；鮮帶子壽司就係三款壽司入面，海水味最濃嘅一款，獨特嘅帶子口感，成為我的最愛。牛油蒜蓉焗蜆+鮑魚一隻當蜆肉加上香濃嘅牛油同微辛嘅蒜茸調味之後，蜆肉嘅鮮甜更進一步地昇華！但更精彩嘅當然係配菜嘅金菇啦，吸引晒海水味、牛油味同埋蒜香味，真係無得輸。另外，加多隻燒鮑魚，最鍾意鮑魚裙邊嘅焦香同彈牙嘅口感

跟家人慶祝轉新工，今晚去了吃壽司。食物擺盤美美的，而且多項在做晚市半價，立刻性價比大大提高。牛肉壽喜燒好大的一鍋，牛肉份量不少，加上大量蔬菜，娃娃菜冬菇金菇粉絲很健康，沾上旦漿，味道溫和，容易入口，湯頭很甜。芝士年糕太邪骨了，是炸不是燒，不過是炸才有的雪糕口感，入面芝士像薯蓉般，但更幼滑，芝士控獨霸了一整份才滿足。三文魚籽壽司 軍艦紫菜脆脆的，完全合格，每顆魚籽都是企身，繼而再滑落口腔，慢慢引爆，鮮味不減。火焰三文魚壽司 最喜歡吃經火炙過後的任何魚生，特別是三文魚，便宜好吃，芝士汁都滲了在魚和飯粒上，是預期效果。油甘魚壽司帶點魚油的飯粒，壽司飯不大件，一口一件。海鮮拼盤上枱挺好看的，活赤貝爽口。生蠔即叫即開，有鮮味，大小正常，兩隻已滿足。海膽賣相漂亮，質感幼滑，味道濃縮。自家製芝麻雞翼炸得香口，雞全翼，芝麻炸汁脆卜卜，帶點甜，惹味。A4日本和牛晚市半價，價錢立馬貼地，值得一叫。黑椒調味，一整塊上，内部嫩紅，肉質好嫩，牛味濃郁。三文魚軟殼蟹卷近年愛上了卷物，也不懼炸物的熱氣，這份炸得也不油膩，飯量很多很大件，十分飽肚滿足。角切魚生蟹籽沙律吃點蔬菜🥒換一換口味，清新不斷，沙律爽口，有蟹籽蟹

介紹間位於元朗隱式食堂，集串燒、拉麵、刺身於一身😋😋十分適合一大班朋友傾計，吹下水chill下💕🫶🏻四品刺身呢個刺身拼盤包含左活赤貝、三文魚、北寄貝同甜蝦。每一啖都可感受到海鮮鮮甜與滑嫩，特別是活赤貝，口感彈牙😋😋三文魚油脂豐富，就甘搭配清新既醬油已經食到鮮甜☺️☺️甜蝦食落亦十分鮮甜，絕對是海鮮愛好者最愛😍😍🫶🏻串燒呢到串燒選擇多種類，我地叫左三文魚骨、蒜蓉燒扇貝、燒韮菜、安格斯牛肉串和牛油蒜蓉焗蜆。每一串都經過精心烤製，外焦內嫩😋😋大推燒三文魚骨，三文魚骨煎到好脆口，入口勁香🤤🤤大推蒜蓉燒扇貝味道濃郁，十分誘人，好入味👍🏻👍🏻🫶🏻大推自家製叉燒讚歧烏冬以自家製叉燒為特色，叉燒肉質軟嫩唔會過肥，搭配讚歧烏冬彈性烏冬，令人一口接一口，根本停唔到落來👍🏻👍🏻🫶🏻芒果沙冰芒果沙冰清爽可口，冰沙細膩，芒果天然甜味中和飯後油膩感😎😎🫶🏻青檸梳打青檸梳打十分清新兼解渴感，酸酸甜甜既口味令人神清氣爽😁😁

總括而言間餐廳嘅嘢食係好食嘅，尤其是讚岐烏冬同埋串燒，但係性價比實在係較低，因為一杯嘢飲平均都要40幾蚊，而且壽司不太好食，最抵食應該係牛肉壽喜燒，串燒都好食不過偏貴，餐廳嘅生啤都係抵飲嘅，而佢有另一款特色飲品就係芝士奶蓋紅豆冰，滿懷期待咁嗌咗諗住試吓，試完但其實同普通紅豆冰冇乜大分別，而且杯嘢都貴，所以如果嚟食嘅話嗌生啤應該最抵飲。🍺🍺🍻🍣🍣🍣此外餐廳服務雖然唔錯，好快就幫我哋收走啲碗碟，但係上餐速度實在有啲慢因為第一次落單等咗10幾分鐘先至嚟。🍜🍜

放工去元朗又新街，呢到出名多好嘢食，見到呢間日本菜大間選擇多👍🏼🍲牛肉壽喜燒咁大鍋只係$100超抵 牛肉份量好足又大塊 湯底夠濃 仲有滿滿嘅娃娃菜、冬菇、豆腐、金菇同粉絲🍣四品刺身盛合色澤賣相一流✨三文魚肥美鮮甜，仲有甜蝦，赤貝北寄貝，口感爽脆彈牙🥩A4和牛嘩見到餐牌有半價 即刻試下 燒得啱啱好 肉質鮮嫩牛油蒜蓉焗蜆蜆肉好肥美鮮甜，配合牛油及蒜香口感更豐富🐮牛仔骨、牛舌牛舌有嚼勁，食落濃郁油香牛仔骨配黑胡椒，口感鬆軟惹味🍗芝麻雞翼3隻幾大隻，外皮香脆，雞肉又嫰🌟椒鹽雞軟骨超驚喜係雞軟骨 我地覺得最好食😍即炸夠熱同脆 食落啖啖咸香夠入味🍺指定芝士奶蓋「巨」杯藍莓味，一個人飲唔晒，仲有半價～好厚嘅奶蓋加爆爆珠🤩🦈鯊魚特飲波子汽水碳酸味，鯊魚造型夠晒打卡able

野川拉麵の深燒食堂 (元朗)食物：⭐️⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️性價比：⭐️⭐️⭐️⭐️⭐️這家位於元朗居酒屋，食物種類繁多，棘身、壽司、天婦羅、串燒、卷物、炸物、爐端燒（大頭蝦、活鮑魚、聖子、象拔蚌、A4和牛）、窩物、拉麵等等，飲品超超超超超級大杯，半價非常抵飲👍🏻👍🏻 🌻刺身：三文魚腩五片$80，鮮帶子10片$70🌻壽司：三文魚子$27、鰻魚$19、油甘魚$19（各兩件)🌻蟹籽沙律$64 🌻爐端燒鮮鮑魚@$24🌻串燒：厚燒牛舌$36、雞腎$26、鴨舌$34🌻芝麻雞翼3只$39🍻芒果沙冰加草莓醬，加蘋果酒$60🍻柚子百香果Cocktail$44🍻Hoegarden 士多啤梨味生啤$47食堂營業至凌晨1:30，在香港已買少見少，嚟開元朗一定要前來幫襯🤗🤗

今日收工收遲左，約朋友仔飲飲飲食chill 下。好，坐低睇下有咩好食先。海鮮拼盤，生蠔大隻爽身，有海水味。赤貝入口爽脆又清甜。仲有海膽，排得整整齊齊，每粒都金黃新鮮。油甘魚、鰻魚、赤蝦、帶子壽司，粒粒都好飽滿光澤，剛好包住粒飯，食落新鮮，赤蝦仲少少黏，正！A4和牛，燒得唔錯，有牛味。大頭蝦、厚燒牛舌、燒蟶子、燒韭菜，除左刺身壽司，仲有一系列燒物，個牛舌厚得黎有口感，有咬勁。香辣牛油錫紙金菇，金菇有牛油香，好食加邪惡。芝士年糕，吉列蠔，炸物都做得好好，芝士年糕暖笠笠又煙韌。吉列蠔個外皮炸又脆又酥化。薑母茶、港式奶茶，今日揸車唔飲酒，都有其他無酒精飲品提供。

今日同朋友去元朗行街 元朗有好多餐廳都唔同晒 行過見到呢間就好似幾抵食咁👍🏻六品刺身盛合入面有半板海膽 三文魚 油甘魚 帶子 甜蝦 北寄貝各三切 二百幾蚊就已經可以食到呢六樣刺身 仲要都幾新鮮 真係好抵蟹籽沙律個蟹籽沙律係由青瓜 蟹柳同蟹籽組成嘅 沙律醬超多 好正椒鹽雞軟骨雞軟骨全部都係新鮮炸起嘅 熱辣辣 脆卜卜牛肉壽喜燒牛肉壽喜燒只係$100咋 原本睇到個價錢以為淨係一個人嘅份量 點知嚟到大窩到我同我朋友都食唔晒呀 淨係牛肉都起碼有8塊 大大塊牛油蒜蓉海蜆啲蜆都幾新鮮 而且好鮮甜 仲唔會有沙 佢仲有得俾我哋揀辣同唔辣 我哋唔食得辣嘅就揀咗唔辣嘅 不過可能辣嘅會惹味啲串燒我哋就叫左蜜汁燒牛丸 燒火雞腎串 厚燒牛舌 同一塊A4和牛 呢幾樣最好食嘅係牛舌 真係燒到啱啱好活乳酸藍莓沙冰芝士奶蓋最後嘢飲方面 我哋就叫咗一杯孖份飲 好彩淨係叫咗一杯咋杯嘢飲 大杯到我哋兩個最後都飲唔晒一杯啊呢間餐廳嘅價錢又唔貴 但係份量就好大份 真係好抵食呀

好友最近搬咗入元朗住，仲叫我去參觀並順便食入伙飯。佢揀左「野川拉麵@深燒食堂」，讚佢抵食、選擇多、質素又高。我心諗有冇佢講得咁好😂 我哋order左(1) 牛肉壽喜燒（2） 牛油蒜蓉焗蜆（3） 香蒜大茄子（4） 自家製芝麻雞亦（5） 廣島吉列炸蠔（6）燒三文魚頭（7） 燒鮮鮑魚（8） 蒜蓉燒蟶子（9）燒大頭蝦（10） 串燒黑豚肉五花腩/豬頸肉各一串（11） 穀飼牛仔骨（12）芝士年糕（13）油甘魚壽司、鮮帶子壽司、三文魚籽壽司、 厚切三文魚腩刺身牛肉壽喜燒：牛肉嫩滑，有蔬菜🥬豆腐、菇類🍄‍🟫鮮雞蛋🥚和粗粉絲，食材新鮮，份量又多，吸收埋湯汁非常好味👍牛油蒜蓉焗蜆：蜆新鮮飽滿、無沙，配埋牛油蒜蓉食，超正👍香蒜大茄子：茄子🍆上面舖滿蒜蓉，勁香。茄子燒完仲好juice👍自家製芝麻雞亦、廣島吉列炸蠔、燒三文魚頭：雞亦肉嫰入味。廣島蠔🦪新鮮，炸到外脆內軟，蠔味濃郁。三文魚頭燒得剛剛好，皮脆肉嫩佈滿魚油香味。燒鮑魚、燒蟶子、燒大頭蝦：三款海鮮都非常新鮮。鮑魚唔韌仲好彈牙添。蟶子幾大隻，夾埋蒜蓉好食到停唔到口。大頭蝦燒完仲係大大隻，蝦頭好多膏，蝦肉鮮味又彈牙👍串燒五花腩、串燒

元朗美食聽聞都好多，不過就好少入到嚟呢邊食嘢，好耐冇嚟行吓就順便入嚟食吓嘢啦。搵到一間日本嘢覺得佢好多元化，好多嘢食就試呢間。一入到嚟餐廳好大間環境幾好幾舒服。叫咗個六品刺身盛合、芝士地獄海鮮拉麵、自家製豬軟骨拉麵、芝麻雞翼、炸餃子、青檸柚子梳打同埋抺茶紅豆冰。個刺身拼盤嚟到好有驚喜，首先個樣係非常之靚，我哋首先試咗海膽非常新鮮，三文魚刺身同油甘魚刺身都係厚切，有口感之餘真係有鮮味又肥美，感覺係非常新鮮，就連甜蝦刺身同帶子刺身都係非常鮮味。講返拉麵芝士地獄拉麵個辣味唔會太辣好啱我口味，拉麵嘅海鮮有青口，鮮蝦等等，而自家製豬軟骨拉麵豬軟骨啲味非常之好我覺得佢所有嘢做到恰到好處炸物都係新鮮熱辣炸起，兩杯嘢飲好大杯好好飲。

同朋友入元朗食晚餐,之前經過野川已經好想入去食,今晚啱晒,見門口位置坐滿人,入內裝修夠特色,好似韓式既燒肉店,先看看餐牌,選擇夠多有刺身,炸物,煱物,拉麵,飯類,仲有串燒,最喜歡有大大杯既飲品,先嚟點了Hoegarrden生啤,大大杯凍檸茶,再點了大蝦天婦羅,好好味,香口脆口,大大隻蝦仲有六隻一碟,夠滿足!點了牛肉壽喜燒,熱辣辣用爐上枱,之後上埋清酒煮活蜆,睇住D蜆卜卜煮熟,味道香濃!再點了四品刺身盛合,有北寄貝夠鮮味,三文魚夠新鮮,仲要厚切,喜歡!活赤貝夠爽口,甜蝦有粘粘的口感,甜美,整體成個盛合好新鮮食完夠晒滿足!最後再點了多春魚天婦羅,出面好小見成條多春魚放落去炸天婦羅,脆脆的,好好味,眼見好多人叫串燒,下次可以嚟試下叫大大杯啤酒配串燒,啱晒同一大班朋友吹吹水! 好地方!

呢餐食咗好多款式，由刺身、燒物到炸物，每一款特色，飲品同食物搭配都好有心思！仲要超抵！鹹檸檬7% & 柚子百香果7%，鹹味同檸檬酸香完美中和，酒精濃度啱啱好，飲落去清爽解渴，仲帶住少少微醺感，最啱配埋燒物食。柚子百香果7%就偏向清新果香味，入口係酸酸甜甜，柚子嘅香氣加埋百香果嘅層次感，飲到尾仲有淡淡嘅酒香，非常醒胃。三文魚腩刺身油脂分佈均勻，每一片切得厚薄適中，入口即化，鮮甜味濃郁，完全食到三文魚嘅鮮度。擺盤亦都幾精緻，食落去清爽又滿足。甲羅伴燒鱈魚干，鱈魚干燒得恰到好處，外層微焦，鹹香味濃郁，完全帶出咗鱈魚嘅鮮味。甲羅做嘅盛器亦加咗幾分視覺分數，整體係一道好吸引嘅小食。芝麻雞翼炸到外皮香脆，啲芝麻香氣濃郁，咬落去肉質嫩滑，每一啖都充滿雞肉嘅鮮味，係一個非常惹味嘅炸物，出色！吉列蠔外層炸得金黃，酥脆而唔會過油膩，內裡嘅蠔依然保持鮮嫩多汁，係一個高質嘅炸物。蜜汁燒牛丸燒得微焦，外層刷咗蜜汁，甜而唔膩，咬落去肉香味十足，仲有啲彈牙口感，非常惹味。雖然只係簡單嘅串燒，但係味道絕對唔簡單。鰻魚壽司 & 鮮帶子壽司，鰻魚燒得香甜，魚肉軟滑，配埋略帶醋香嘅壽司飯，層次分明，非常滿足。鮮帶子壽司則係

11點前已經冇早餐，但係餐牌寫明係11點，2點前只有貴價lunch, 辣椒油都要加錢，常餐要2點後先有，但係唔平，用餐出面唔比帶寵物，黃線出面等待都唔得，枱chair生誘又唔換，容易令客人受傷流血。

早幾日母親節同媽媽食好啲成日陪媽媽買餸都見到呢間餐廳就帶佢黎食下先一入到去已經聞到好香坐低後點咗杯生啤, 呢日母親節仲做緊半價添另外仲點左杯青檸柚子梳打，酸酸甜甜超解膩 至於野食呢, 我地點左燒油甘魚頭魚皮脆到咔嚓聲，魚肉爆多汁，肉質幾嫩羅燒伴燒鱈魚乾蟹膏濃到癲，連埋鱈魚乾嘅脆勁，鹹香得嚟又唔腥，送酒一流厚燒牛舌串牛舌夠厚身，咬落爽口，唔會韌，簡單鹽燒已經好夠味燒扇貝我地叫咗芝士同蒜蓉兩款芝士嗰款味到好濃郁蒜蓉就超級多蒜蓉鍾意食蒜既一定要點 三文魚腩油脂分佈平均師傅切得夠厚食落有口感 牛肉壽喜燒牛肉份量都幾多配料有豆腐、金菇、寬粉整體味道都好夠, 湯底甜甜地, 幾好香蒜大茄燒蒜蓉鋪到滿滿，茄子燒得軟身，蒜香十足香蒜牛油芝士流心蛋粟米切開真係有流心，芝士味都夠濃 燒韮菜串燒得剛剛好，唔會過乾燒日本甜薯日本甜薯我本身好鍾意食外皮燒到微焦而且有層蜜糖甜甜的入面薯肉香甜綿密，好味食埋甜薯作結尾, 成餐好滿足

有好朋友特登黎元朗搵我食飯，緊係要帶佢去食好野啦，咁岩佢同我都鍾意食日式，就去左呢間野川拉麵の深燒食堂，我覺得性價比好高既餐廳👍餐廳環境方面，有分室內同室外坐，如果夜晚涼涼地，坐係出面飲返杯啤酒，都真係好舒服架，餐廳入面仲有大大個MON, 有歌聽，有MV睇。我們兩個點左好多款菜色，從拉麵到串燒再到小食。🔶汁燒極上和牛拉麵: 揀左地獄湯底，好濃郁又夠辣，岩哂鍾意食辣既我地，拉麵都幾彈牙，重點係嗰啲和牛肉，味道超香!🔶三文魚腩刺身: 係我每次去都必叫，新鮮肥美，又厚切，性價比相當高。仲叫左幾款壽司，最推薦係軟殼蟹手卷!!🔶串燒: 炭燒豬頸肉串同厚燒牛舌都好正，但最正既係燒黑豚肉五花腩，燒得啱啱好，外脆內嫩，帶住炭香味，會停唔到口😋🔶炸雞: 仲有叫左炸雞，外皮酥脆，仲要勁大份呀，岩哂一班人一齊食，同啤酒絕配🍻🔶飲品：我地叫左ALE PREMIUM啤酒同芒果沙冰蘋果酒，飲落好清爽，啱啱好解膩。餐廳仲放左個好大個IRON MAN, 打卡一流呀。如果你係一個宵夜控，又係元朗，這家餐廳營業到凌晨兩點，就岩哂夜貓子既你地啦。