Fûhn (The L. Square) (已結業)

行近銅鑼灣，見好耐無食過越南野，就試下fuhn呢間個名都幾特別既越南餐廳。佢都幾多菜式可以選擇，本身諗住食湯河但下晝食左湯麵所以最後都係叫左檬粉，我叫左豬頸肉檬粉男朋友叫左香茅雞扒檬粉，加多個軟殼蟹同蝦沙律，再加埋椰青同菠蘿沙冰。佢既上菜速度好快，啱曬我地餓鬼上身既人。首先上沙律，份量超級多而且都幾多蝦，d菜好新鮮同埋間唔中會食到有d酸酸甜甜既蘿蔔，仲有d柚子肉好開胃，覺得其實個份量係唔夠四個人食。然後軟殼蟹有三大隻，好脆好香口連殼同身，仲配 左個幾好食既醬，側邊有幾粒車厘茄都幾甜。豬頸肉檬粉份量亦都非常多，倒左佢臺上個d酸甜汁幾入味，豬頸肉同平時食開薄身個種唔同，佢係厚身同脆脆地既質地，一碗都有好多舊，檬粉味道就正常。香茅雞扒就都多件大舊，配檬粉都唔錯。野飲菠蘿沙冰都幾多菠蘿肉，大杯抵飲。椰青係超大粒椰青，夠冰好甜好多水，驚喜位係入面仲有好多椰肉係側邊可以刮黎食好香椰子味超正❤️整體黎講餐廳cp值高所有野份量都好多，味道都唔錯，係食越南菜餐廳選擇之一！