小麻吉滷肉飯 (已結業)

話說旺角女人街一直都有好多CP值同埋質素好高嘅餐廳，用臥虎藏龍呢個形容詞簡直不為過！早幾日約咗朋友仔食晚飯，見到呢間台灣菜都唔錯所以就去試吓啦！li間台灣菜主打滷肉同埋肉燥飯，我同朋友仔乜嘢都想試吓，所以我哋就叫咗鹽酥雞拼台灣香腸肉燥飯同埋炸豬扒拼台灣滷肉飯。佢嘅滷肉肥瘦適中，配上白飯能夠突顯到佢嘅油香，醬汁有五香味，我覺得都不錯吃。另外肉燥內有超多肉碎，CP值好高，佢嘅肉碎肥肉嘅比例比較低，係健康人士嘅好選擇。雖然瘦肉比較多，但係入口都唔會太鞋，我自己都幾鍾意。最令我有驚喜嘅係佢嘅滷蛋，雞蛋超級入味，連裏面嘅嘅蛋黃都滲出佢哋嘅滷水味，超級好食！鹽酥雞同埋炸豬扒嘅粉漿都比較薄，唔會入口好多粉漿，以呢個價錢來講，我都幾推薦大家試吓㗎！