142
19
9
港鐵油麻地站 A2 出口, 步行約5分鐘 繼續閱讀
所有分店 (2)
電話號碼
51155007
營業時間
今日營業
11:30 - 22:30
星期一至日
11:30 - 22:30
付款方式
現金
食評 (197)
之前已經食過幾次既台灣菜小店。叫左兩個dinner set ($60) share,每set可以點飯麵、主食同小食各一。雖然整體唔算正宗,飯麵類比較遜色,反而小食份量足好抵食!🦁❎ 滷肉飯 (+$5)滷肉份量超級少 唔似其他餐廳啲汁可以撈勻每一粒飯 加上偏淡同稀身 仲要另外加$5 所以建議叫其他主食🦁✅ 肉燥麻醬乾拌麵 (+$5) 雖然肉燥份量都唔係好多 不過勝在有麻醬可以撈勻成個麵 所以食唔停!🦁✅ 紅燒牛筋腩(+$5) 唔係好各有「紅燒」 不過份量好夠 牛筋好夠淋 牛腩少少韌 不過可接受🦁✅ 麻辣豬手 (+$5) 分量足足有三隻豬手!麻辣味好夠 食落勁重膠原蛋白 好推薦!!女士必點🦁✅ 台式小香腸(+$3) 好食 有台灣風味不過切片可能更加好🦁✅ 麻辣滷豬大腸 (+$5) 比較肥 所以唔係食左好多 麻辣味好夠🦁➡️ 芋香牛奶|胚芽奶茶 ($8)正正常常 偏甜🦁 小麻吉滷肉飯 (旺角)旺角通菜街2A-2P鴻光大廈地下2C號舖🦁 人均消費: $82|推介:❣️❣️❣️❣️ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-03
45 瀏覽
每年二月,我都會同我啲麻吉死黨去台灣旅行今年因為疫情飛唔到,所以我哋就去咗食台灣菜,以延續每年嘅約定🥰◭甘香滷肉飯 $44唔講都唔知,原來滷肉飯入面嘅滷肉,係全人手切開一條條,仲要係五花腩加梅頭肉混合而成,唔怪之得食落甘香又唔係好肥膩,好食又健康◭ 鹽酥雞拼小香腸飯(加肉燥) $63食完鹽酥雞同小香腸後,突然忘記咗自己係香港😳因為呢個味道太似係台灣食嘅味道◭ 特色炸木魚豆腐 $50外皮脆,入面啲豆腐好滑,唔怪之得每日限量供應🤭◭ 涼拌小黃瓜 $35好爽脆,沒有太重口味嘅調味料,更特顯小黃瓜清甜嘅味道食完差唔多埋單嘅時候,諗住買多份滷肉飯外賣返屋企,同店主傾計嘅時候,先發現小麻吉有網店買快煮包,而材料同係鋪頭食嘅係一模一樣,因為係出於同一個食品製作工廠 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-05
79 瀏覽
#fafafoodblog台灣菜 #fafafoodblog旺角 <滷肉飯唔錯 其它有改善空間>食呢間野既時間係有晚上限聚既時間 所以食個 tea坐下甘 Tea set 🍴小碗滷肉飯 31 蚊🐷滷肉飯好味 飯粒夠軟林 豬肉有 d厚實 有 d夠肥美 夠油香 好味 👍🏻🍴迷你啖啖麵31 蚊 🍜我明白台灣既啖啖麵係多湯 不過個湯唔太夠濃 但有 d豬肉碎彌補番 值得讚係個麵好爽口 有 d似上海預 口感唔錯 每個 tea set可加3 樣小食 點左 都算炸得幾好既木魚豆腐 豆腐夠香滑 呢個唔錯 👍🏻,滷蛋正常🥚小香腸不嬲都係嗰 d 味 冇特別 🐷 花枝丸唔錯夠彈牙🦑, 夠脆但雞肉冇乜味既鹽酥雞 🐥金梅脆薯 朱古力同珍珠奶茶都冇特別所以唔講整體黎講一般 但甘既價錢 其實都可接受唔要求得甘多 😂#台灣菜 #滷肉飯 #豬肉 #花枝丸 #豆腐 #珍珠奶茶 #擔擔麵 #滷蛋 Score 平均分 <6.9/10>Taste 味道:👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻~~~~~~~~~~~~~#小麻吉滷肉飯旺角通菜街2a至2p. 鴻光大廈 2c鋪~~~~~~~~~~~~ 繼續閱讀
(以上食評乃用戶個人意見 , 並不代表OpenRice之觀點。)
等級1 2020-11-26
133 瀏覽
早左收工 行下女人街 行行下見肚餓又想食台灣野 就入去試下 入到去17:45左右 無下午茶時間了 咁就食佢既晚餐set 叫左 滷肉飯 炸豬扒 台灣腸 set加左杯珍奶小甜 8蚊我朋友就叫左鹽酥雞滷肉飯set 嚟到滿心歡喜 食左淡滷肉飯 的確好好食比起台灣既無咁油膩 我個人無咁中意油膩所以相當唔錯 不過食其他野 就係惡夢開始了炸豬扒同鹽酥雞唔知係咪中午賣剩既 個皮淋哂 而且係暖既 另外我杯珍奶小甜最恐怖懷疑佢直頭無落糖 只似到茶味連奶味都唔覺有 最後飲左幾淡就無再飲了依間野..唔會再有下一次 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-19
177 瀏覽
lunch time見尼間好多好評又唔洗排隊就試下,價錢親民,都幾多選擇環境都夠大,上菜好快滷牛肉飯($39)健怡版滷肉飯,以爲健怡版會健康啲,但都係自欺欺人,好少蔬菜,醬汁好鹹,一啲都唔健康。圖片與真實不符,圖片係好多菜填滿碗飯,點知都幾塊菜。牛肉粒無咩肥膏,醬汁好鹹,撈飯食都勉强接受到個鹹味,飯量都幾多,夠飽肚。熱香芋鮮奶($5)見到隻色就知中大伏,紫色好假聞落都無芋頭香味,隻色似雀巢雪糕色,飲落係有甜味嘅水,芋頭味道都係似雀巢雪糕,假假地嘅芋頭味,完全無奶味。 繼續閱讀
(以上食評乃用戶個人意見 , 並不代表OpenRice之觀點。)