新泰東南亞餐廳 (已搬遷) 新店位置

早兩日心血來潮，好想食泰國野，所以放lunch就同同事係附近的「新泰」一試，點知發現，有！驚！喜！ 我地先要咗個香芒牛油果軟殼蟹卷$78，外層表皮好似紙咁薄，餡料卻非常足夠，有種一咬即破的感覺。 輕輕咬開軟薄的米紙，爽脆的青瓜蘿蔔是卜卜的清脆聲，軟殼蟹的香與牛油果極為吻合，兩者彷如既定的絕配組合，食落惹味，芒果亦令整道小食變得開胃清新。 另外要了個燒春雞釀黃飯 $168，好味得令人驚嘆！！金黃色的外皮燒得極香，以刀切開已經聽到雞皮脆得破裂的聲音。裡面堆滿香香的黃油飯，每口都很是惹味。 以為外皮香脆，雞肉會相對遜色，非也！！雞肉非常嫩滑，肉汁全然鎖於雞肉內，輕咬將雞肉撕開，肉汁徐然流出，絕對值得一試！甜品芒果紫糯米飯同樣吸引。一邊是糯米，另一邊是紫糯米，任君選擇。前者較重椰奶甜，後者則有椰香，芒果亦很甜，生津同時令口腔有點小清新。 配以越泰菜必飲的椰青，清甜得彷如讓人身處冰涼海水間，再刮著滑溜的椰子肉，於口腔中直溜入喉嚨的感覺更令人過癮。