新泰東南亞餐廳 (雙子匯1期)

營業中

休息中

今日去左新開既雙子滙1期行街，見到呢間餐廳環境充滿東南亞風情，餐廳有好多卡位，坐得舒適。木質家俬加上竹元素，牆身掛滿泰式手工藝品同畫作，再加上泰國大象同熱帶植物，真係好似置身泰國咁。泰式柚子蝦沙律柚子嘅清新酸甜同蝦嘅鮮甜完美結合，加少少辣味，食落好開胃。日本南瓜焗海鮮飯南瓜焗得好冧好綿，入面有蝦、青口、魷魚等海鮮，飯粒吸收晒南瓜同海鮮嘅精華，每一啖都充滿鮮味。小拼盤（蝦餅、魚餅）蝦餅同魚餅炸得外脆內嫩，蝦餅彈牙，魚餅香口，蘸上泰式辣醬，味道更加豐富。泰式燒雞雞皮燒得香脆，肉質嫩滑多汁，配上酸辣嘅泰式醬汁，味道層次分明。