黑木亭居酒屋 (金馬倫道)

Openrice見咁多人畀😋, 諗住應該冇伏嚟試下, 結果係勁失望本身網上見佢啲圖片幾吸, 就諗住book嚟喺聖誕節同女朋友食個fine dining我book咗夜晚8點鐘, 食dinner時間, 上到嚟唔使等位可以即刻入, 同埋佢啲裝修擺設係幾靚, 呢樣嘢值得一讚, 但佢啲枱放得稍為有啲逼, 同埋張枱太細張, 2人枱放少少嘢已經冇位講返要其他嘢, 佢啲服務質素真心唔得, 啲員工帶你埋位咩都唔講直接走開咗, 第一次食鬼知你啲嘢點order, 你啲menu放咗喺邊咩大佬, 都算~諗好食咩要落單嗰陣, at least有2個員工見到我舉手, 佢哋應完我之後就行開咗, 等咗十世都未過嚟幫我落單, 嗰陣已經有啲炆炆地好啦幾經辛苦落完單, 啲嘢嚟齊晒先發覺佢哋落漏單, 2杯嘢飲嗌咗佢完全冇落到單, 嗰陣已經唔想食所以冇再嗌返食物嗰度, 諗住過嚟就係試佢個拉麵, 結果佢話賣晒, 轉嗌佢個六杯蠔, 又賣晒, 心諗啲招牌咁早冇晒佢哋賣咩嘢, 嗰陣已經唔想食最後叫咗啲串燒, 刺身, 壽喜燒, 海膽帶子, 啲食物除咗個壽喜燒其他都ok嘅, 個壽喜燒質素我覺得唔值呢個價Overall講起, 間舖啲食物一般,