影片
更多
2021-07-17
99 瀏覽
相信大家都知道如果喺香港地想食味道有好味韓國菜，當然就係要去尖沙咀金巴利道一帶搵食啦！上星期同朋友仔去尖沙咀行街，突然間好想食韓國燒烤，行行吓搵到間任食嘅韓燒價錢都幾抵所以就入咗去試吓。呢度嘅價錢都唔係好貴，佢分咗三個時段都係二百幾蚊，已經包含咗冇酒精嘅飲品，款式亦都好多種，豬牛雞羊海鮮樣樣都有齊，面熟食方面都有好多唔同嘅選擇。我同我朋友因為好想食帶子，所以我哋另外仲加咗$68仲可以食到佢嘅雪花牛架！首先要講嘅當然係我哋特別加錢食嘅嘅帶子啦！佢嘅帶子粒粒都超級大同埋好飽滿，而且燒完之後唔會縮到好細粒，食落口啖啖肉超級滿足，我同我朋友encore左三碟添啊！另外我覺得佢哋嘅肉類都唔失色，佢哋嘅雪花牛唔使用任何嘅調味都已經帶出咗牛嘅香味，而且肉裏便散發嘅天然油脂令到牛肉既香味更突出，食落口就唔會乾爭爭㗎。至於佢本身套餐包含嘅肉類我覺得都唔錯，我自己推薦佢嘅辣味五花肉，包住生菜同埋蒜粒食真係一流，佢嘅牛骨湯我覺得都好出色，香濃嘅胡椒味配合返雪白嘅牛骨湯，而且湯裏面亦都有炆好咗嘅牛肉同埋粉條，配合返清爽嘅泡菜真係相得益彰。其實我自己對佢嘅他他牛肉都好有興趣，因為一般喺出邊嘅韓式料理店食都唔平，
呢度嘅價錢都唔係好貴，佢分咗三個時段都係二百幾蚊，已經包含咗冇酒精嘅飲品，款式亦都好多種，豬牛雞羊海鮮樣樣都有齊，面熟食方面都有好多唔同嘅選擇。我同我朋友因為好想食帶子，所以我哋另外仲加咗$68仲可以食到佢嘅雪花牛架！
首先要講嘅當然係我哋特別加錢食嘅嘅帶子啦！佢嘅帶子粒粒都超級大同埋好飽滿，而且燒完之後唔會縮到好細粒，食落口啖啖肉超級滿足，我同我朋友encore左三碟添啊！另外我覺得佢哋嘅肉類都唔失色，佢哋嘅雪花牛唔使用任何嘅調味都已經帶出咗牛嘅香味，而且肉裏便散發嘅天然油脂令到牛肉既香味更突出，食落口就唔會乾爭爭㗎。
至於佢本身套餐包含嘅肉類我覺得都唔錯，我自己推薦佢嘅辣味五花肉，包住生菜同埋蒜粒食真係一流，佢嘅牛骨湯我覺得都好出色，香濃嘅胡椒味配合返雪白嘅牛骨湯，而且湯裏面亦都有炆好咗嘅牛肉同埋粉條，配合返清爽嘅泡菜真係相得益彰。
其實我自己對佢嘅他他牛肉都好有興趣，因為一般喺出邊嘅韓式料理店食都唔平，而且佢竟然出現喺只需要二百幾蚊就食到既仼食韓燒裏面真係估佢唔到，不過因為同行嘅朋友唔食生肉，所以就冇食到，不過唔緊要，呢間舖頭食完之後我已經放咗喺口袋名單裏面，下次一於再食過哈哈，大家如果想食抵食又好味嘅韓燒嘅話，我都推薦呢度㗎！
3 瀏覽
0 讚好
0 留言
張貼
