Triple O's by White Spot (荃新天地） (已結業)

今日有事又去荃灣，因為太遲起身食早餐就去到下晝四點先食野。點知原來好多間餐廳四點幾都唔開冇嘢食，結果又搵返我嘅 comfort food triple o 😅 上次試咗一次 triple o version impossible burger 覺得唔好食，於是今日決定叫返普通嘅 veggie burger，跟餐加錢轉洋蔥圈同士多啤梨奶昔。成件事都非常之咁邪惡但係呢個配搭真係好滿足 😝坐低等緊嘅時候另外有兩位阿叔黎問素食有咩選擇， counter嘅哥哥非常專業咁解釋左嗰兩款素食漢堡由咩材料做，結果兩位叔叔度嗌左 impossible burger。嗰個時段冇咩人，等左一陣就有嘢食。個包維持咗一貫嘅水平，入面嘅生菜蕃茄全部都好新鮮。洋蔥圈唔算油但夠香口，配埋我最愛嘅士多啤梨奶昔非常之match！士多啤梨奶昔係好似雪糕咁，其實咁大杯係飲唔晒嘅⋯ 食完非常非常之飽，今晚可以唔使食飯啦！