The BASE nature (已結業)

剛剛行到攰攰哋諗住飲杯嘢見到有間cafe， 咁就諗住試下啦。 見佢環境都算乾淨， 咁就諗住試試柯打咗杯latte！ 等咗一陣 咁個服務員就畀杯嘢我啦！ 我一攞上手點解咁輕嘅？ 咁我就問嗰個服務員呢杯係咪Latte， 佢答我係！ 因為小弟每天都會飲pacific coffee或者starbucks或者其他類似嘅cafe。 但係真係未飲過一杯33蚊 嘅咖啡攞上手輕飄飄到得三分一杯咁！（因為奶係有foam 起左， 所以睇到張相實際係更少）。仲要再問多次嗰個服務員都係咁，咁我唯有開個蓋睇睇啦！ 33蚊杯Latte，收到嘅時候只係得一半 or less！？ 如果係好好quality嘅話還可以接受但是味道 只是非常一般（中下 質素），奶味太濃咖啡味完全感受唔到。 如果38蚊買杯pacific coffee或者係starbucks嘅話。我唔會再喺呢間度買任何嘅咖啡。亦都唔建議大家嘗試。 起碼個份量 同質素係完全唔同 一個層次。