ChumChum味 (已結業)

Chumchum味~韓國菜，係K11後面近尖東。朋友食過醬油蟹帶我嚟食蟹，yeah！佈置開始有萬聖節氣氛，地板係外國文族風情。韓國前菜有泡菜、茄子肉碎、香腸西蘭花同埋三色甜椒香腸開開胃。除咗泡菜之外，其他幾款都好似西式mix，酸甜為主。如果係啲海帶或者白蘿蔔更好啦。醬油蟹 Ganjang crab soy sauce marinated blue crab $220配埋紫菜麻油飯，嗯～好好味道！！一開始上碟仲覺得好多醬油，仲唔知會唔會太咸！蟹肉係晶瑩剔透，一咬爆滿咀肉，好正！味道剛剛好，唔會太咸！蟹黃啖啖金！蟹肉係超級嫩滑，好新鮮！$220係值得既，處理乾淨入味！大蒜醬油炸雞 半隻 Half fried chicken with garlic and soy sauce $100勁多大蒜片，香口食唔停呀！醬油炸雞半隻，有嫩肉嘅雞髀位，應該有比較乾身嘅雞胸位！連個雞皮都炸到好酥脆！烤牛肉飯卷 Beef Gimbap $65飽滿飯卷上台，本身以為牛肉得少少，點不知¼都係牛肉，其他就係配菜蔬菜！呢個性價比都非常之高，甜牛肉又大大舊。兩個人食飽肚，如果紫菜可以脆就好啦。