8Five2 Restobar

營業中

休息中

呢度夜晚超級熱鬧，餐廳好大好開陽，半開放式，好有feel。好岩收工同朋友一齊去Relax下，聽吓歌，飲下酒，食下啲西班牙菜，過一個好Chill嘅晚上。墨西哥牛肉玉米餅沙律 $138Merican Beef Taco Salad 賣相好吸引好Flash，材料都好豐富，有牛油果，鹹芝士碎，辣辣地嘅蕃茄醬，酸乳酪忌廉，沙律菜，車厘茄，同炒香過既牛肉碎。撈埋一齊食味道好特別，酸酸辣辣有芝士嘅奶香味，沙律菜爽脆，牛肉炒得好香濃。玉米芝士炸丸子 $99Corn Cheese Croguette, Bloody Mary Relish呢個係店員推介嘅小食，係素食來的。外面炸得好香脆，芝士味非常濃郁，有拉絲效果。燒豬仔骨 $188BBQ Pork Ribs ( half)半份都相當大份，夠兩至三個人Share食。燒汁甜甜地好濃郁惹味，另一種食法，薄餅包住豬仔肉再加加酸椰菜再加少少酸辣蕃茄醬一齊食，好味。薯條擺耐左都仲好香脆。Churro Dulce De Leche $78甜品叫咗好少地方有嘅墨西哥甜油炸鬼，炸到脆卜卜，熱辣辣，有蛋香味，表面沾滿粒粒砂糖同朱古力醬，再配雪糕一齊食，冰火交融，好正。