得閒飲茶 (MONTEREY Place)

營業中

休息中

晚上跟朋友到左DHYC Dimsum Restaurant嘆下點心同埋小菜。餐廳除了室內坐位，還有室外可坐，對住個靚海景，加上現時天氣清爽，正啊。茶☕️係陳皮普洱飲，甘香可幫消除油膩，食物即叫蒸新鮮熱辣辣。首先上場的窩貼蝦多士，唔係好多酒樓有，故見到即刻叫，咬落香脆，蝦味濃。焗叉燒包，熱辣辣個皮焗得香脆，包同叉燒都柔軟，配合得好好。鵪鶉蛋松露燒賣，咬開肉汁豐富，點埋辣椒油仲正。柱侯金錢肚，煮得柔軟又入味，蘿蔔清甜，味道很好！蟹肉大良炒鮮奶，蟹肉份量都多，鮮奶炒得不會鬆散，蛋白香滑，加入附上的醋更惹味。鳳梨🍍咕嚕蝦球，炸醬薄薄的，炸得輕脆入口啖啖肉，酸甜味令人開胃。戶外位置是可以携帶寵物入坐，見陪食的狗仔🐶好可愛😍。