Honbo (已結業)

中午黎到Honbo已經要等位，不愧如係百大漢堡。細細嘅舖面，掛住幾幅burger相，店外大大隻字寫住Hamburger ，一望已經好有feel。入到去坐bar枱，可惜望嘅就唔係廚房，而係收銀。叫咗Basic之一嘅芝士漢堡同薯寶，即叫即整。烘過嘅包本身好軟熟，仲帶少少甜味。漢堡五成至七成熟（？），反正唔係well-done，中間帶誘人嘅粉紅色，食好Juicy。調味口感剛剛好，唔會死實實。配合埋生菜、青瓜芝士同埋好豐富嘅秘製醬，好滿足。無論係薯寶定係薯條炸得都唔會好油膩。由於食物幾大份，真係好飽，建議三個人可以叫一份小食share。附送埋friend子食嘅炸雞漢堡相，又大又厚。