影片
更多
2012-02-11
50 瀏覽
呢晚我揀呢間食我的生日飯，皆因想飲Irish Coffee，只是唔知邊到有得飲而又有多款食品可選擇，見未嚐試過"the Table"咯，咁即管試吓啦。預早Book位，係７點準時到達，我地坐左係近門位，雖近門口，但一Ｄ都唔嘈，環境唔光猛，暗暗的其實感覺很好。我呢隻麻煩羊呢，除左一定要飲Irish Coffee外，其實都唔知食乜好，有時又好多野想食，有時又乜都唔想食，真係要睇心情揀野食，呢晚我地足足諗左２０分鐘先點好咋，係我麻煩嘅。① 愛爾蘭咖啡 (Irish Coffee) ($58)② 百利甜酒黑白咖啡 ($58)③ 法式巴馬芝士洋蔥湯 ($48)④ 原隻小龍蝦濃湯 ($48)⑤ Habitu Salad($58) add Grilled Chicken($20) & Smoked Salmon($22) = $100⑥ 菠菜芝士焗蘑菇 ($78)⑦ 香辣茄汁虎蝦扁意粉 ($75)⑧ 朱古力杏仁金字塔 ($38)①&②好快已經上枱，又蠢咗一次，應該叫佢最後先上，再唔係應該食到最尾先點飲.....２杯飲品灘左一陣已經唔凍，我果杯還好依然夠味好飲，但②上面的泡好快已經冇左喇，最尾得返少少可
預早Book位，係７點準時到達，我地坐左係近門位，雖近門口，但一Ｄ都唔嘈，環境唔光猛，暗暗的其實感覺很好。
我呢隻麻煩羊呢，除左一定要飲Irish Coffee外，其實都唔知食乜好，有時又好多野想食，有時又乜都唔想食，真係要睇心情揀野食，呢晚我地足足諗左２０分鐘先點好咋，係我麻煩嘅。
① 愛爾蘭咖啡 (Irish Coffee) ($58)
② 百利甜酒黑白咖啡 ($58)
③ 法式巴馬芝士洋蔥湯 ($48)
④ 原隻小龍蝦濃湯 ($48)
⑤ Habitu Salad($58) add Grilled Chicken($20) & Smoked Salmon($22) = $100
⑥ 菠菜芝士焗蘑菇 ($78)
⑦ 香辣茄汁虎蝦扁意粉 ($75)
⑧ 朱古力杏仁金字塔 ($38)
①&②好快已經上枱，又蠢咗一次，應該叫佢最後先上，再唔係應該食到最尾先點飲.....２杯飲品灘左一陣已經唔凍，我果杯還好依然夠味好飲，但②上面的泡好快已經冇左喇，最尾得返少少可以飲，我試飲過就覺得Baileys份量好少，自己買個酒板飲仲好。
③係我飲嘅，我見係洋蔥湯所以揀佢，點知原來有一大塊巴馬芝士係面，裡面更有一大塊法包，我其實唔鍾意芝士，好彩洋蔥料多，食落都膩，好飲，本來覺得份量細，但飲飲吓先覺得飲極都未完嘅；另外好鍾意呢個容器，好靚。
④呢款係我朋友嘅，小龍蝦的確很小，湯的質感超濃，但唔算好忌廉，都幾好味。
呢個⑤沙律如果唔額外加餸嘅話，份量會唔夠食，沙律菜好新鮮，另加的煙三文魚好味，但燒雞就好唔惦，冇雞味好似食緊瘦肉咁好鞋好實。
⑥號蘑菇好大隻，菠菜芝士餡內有橄欖同蕃茄，好豐富味道亦好，側邊更有沙律菜伴碟，賣相唔錯喎，可惜嘅係側邊果小碗蕃茄醬，一食已知係一樽樽蕃茄醬溝少少蕃茄茸，唔好味，除非你鍾意食薯條就會鍾意囉。
呢個⑦嘅茄汁好味得多，辣味反而很淡，我就覺得因為裡面有好多蝦同煮所以少少茄汁已經覺得好鮮甜，扁意粉彈牙唔韌，好食。
本來有咖啡飲都唔想食甜品嘅，不過又覺得自己生日嘛，點都想有件Birthday Cake食吓，揀呢件⑧全因好耐之前已經睇仲佢靚仔想試，但苦無機會，今次仲唔比我食到佢...哈！面層鋪滿開心果仁碎加一粒朱古力威化球，其實開心果仁碎唔脆反而煙韌多Ｄ，但粒球就脆喇，裡面的朱古力甜咗Ｄ，整體都唔錯，都係靚仔搭夠....哈哈哈。
呢餐連10% Service Charge都食咗６百幾銀，我覺得好貴，不過慢慢食咗２粒鐘，職員又唔會趕人走，生日食一餐都還可以啦。
張貼
